قازاقستاندىق اننا دانيلينا جۇپتىق سىندا سيدنەي WTA 500 تۋرنيرٸنٸڭ فينالىنا شىقتى, دەپ حابارلايدى قازاقپارات.
قازاقستان تەننيس فەدەراتسيياسى مەلٸم ەتكەنٸندەي, دانيلينا برازيلييالىق بەاتريس حادداد ماييامەن بٸرگە جارتىلاي فينالدا جارىستىڭ 2-راكەتكالارى, جاپونييالىقتار سيۋكو اياوما – ەنا شيباحارامەن شەبەرلٸك بايقاستى.
بٸرٸنشٸ پارتييادا جەتٸنشٸ گەيمدە اننا مەن بەاتريس برەيك جاساپ, سول باسىمدىلىقتى ساقتاپ قالدى – 6:4. ەكٸنشٸ سەتتە تاي-برەيكتە جاپونييالىقتار ەبجٸلدٸك تانىتتى – 7:6 (7:2).
سۋپەر تاي-برەيكتە قازاقستاندىق-برازيلييالىق جۇپ 5:2 ەسەبٸمەن الدا تۇرعانىمەن, قارسىلاستارىنىڭ تارازى باسىن تەڭەستٸرۋٸنە جول بەردٸ. دەگەنمەن سوسىن ەكٸ ميني-برەيك جاساپ, جەڭٸستٸ جۇلىپ الدى – 10:6.
اننا مەن بەاتريس فينالدا گەرمانييالىق ۆيۆيان حايزەن – ماجارستاندىق پاننا ۋدۆارديمەن باس جٷلدەنٸ ساراپقا سالادى.
وسىلايشا دانيلينا جۇپتىق سىندا WTA 500 سەريياسىنداعى دودالاردا العاش رەت فينالدا باق سىناماق.
