قازاقستاندىق الەكساندر نەدوۆەسوۆ ەلوردادا ٶتٸپ جاتقان Forte Challenger 100 ٸرٸكتەۋ سايىسىنىڭ فينالىنا شىقتى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, ا.نەدوۆەسوۆ العاشقى كەزدەسۋٸن رەسەيلٸك ساۆريان دانيلوۆپەن ٶتكٸزدٸ.
قازاقستاندىق تەننيسشٸ 1 ساعات 33 مينۋتقا سوزىلعان ماتچتا 6:4, 6:4 ەسەبٸمەن جەڭٸسكە جەتتٸ. ول بەسەكە بارىسىندا ٷش برەيك جاساي الدى.
نەگٸزگٸ تۋرنيرگە ٶتۋ ٷشٸن ا.نەدوۆەسوۆ ٶزبەكستاندىق سەرگەي فومين نەمەسە ۋكراينالىق ۆلاديسلاۆ مانافوۆتىڭ بٸرەۋٸمەن تالاسادى.
ٸرٸكتەۋ سايىسىندا تاعى بٸر قازاقستاندىق دانيل وزەرنوي رەسەيلٸك يۆان نەدەلكوعا 4:6, 0:6 ەسەبٸمەن ەسە جٸبەردٸ.
سونداي-اق گريگوريي لوماكين دە رەسەيلٸك الەكسەي زاحاروۆتان 2:6, 3:6 ەسەبٸمەن ۇتىلىپ قالدى.
