قازاقستاندىق الەكساندر نەدوۆەسوۆ جۇپتىق سىندا انتالييا چەللەندجەر تۋرنيرٸنٸڭ جەڭٸمپازى اتاندى, دەپ حابارلايدى قازاقستان تەننيس فەدەراتسيياسى.
ا.نەدوۆەسوۆ ۋكراينالىق دەنيس مولچانوۆپەن بٸرگە فينالدا وسى دودانىڭ 1-راكەتكالارى, ۆەنەسۋەلالىق لۋيس داۆيد مارتينەس – يسپانييالىق داۆيد ۆەگا ەرناندەس جۇبىمەن باس جٷلدەنٸ ساراپقا سالدى.
بٸرٸنشٸ پارتييادا ا.نەدوۆەسوۆ پەن د.مولچانوۆ 3:6 ەسەبٸمەن ەسە جٸبەرگەنٸمەن, ەكٸنشٸسٸندە قارىمتا قايىردى – 6:4. تارتىستى ٶتكەن تاي-برەيكتە نەدوۆەسوۆ پەن مولچانوۆ جەڭٸستٸ جۇلىپ الدى – 18:16.
فينالدىق بەسەكە ساعات جارىمعا سوزىلدى. شەشۋشٸ تاي-برەيكتە مولچانوۆ پەن نەدوۆەسوۆ قارسىلاستارىنىڭ التى بٸردەي ماتچبولدى پايدالانۋىنا مٷمكٸندٸك بەرمەدٸ. ماتچ بارىسىندا ولار ەكٸ مەرتە برەيك جاساي الدى. وسىلايشا 33 جاستاعى ا.نەدوۆەسوۆ قازاقستاندىق تەننيسشٸلەر اراسىنان جاڭا جىلداعى العاشقى جەڭٸسٸنە قول جەتكٸزدٸ. بۇل – ونىڭ جۇپتىق سىندا چەللەندجەر تۋرنيرلەرٸندەگٸ 16-ىنشى تابىسى. انتالييا جارىسىنىڭ جٷلدە قورى 44 مىڭ اقش دوللارىنا باعالانعان بولاتىن.
ەسكە سالا كەتەيٸك, بۇدان بۇرىن ياروسلاۆا شۆەدوۆانىڭ مەلبۋرن تۋرنيرٸندە جەڭٸلٸپ قالعانىن جازعان بولاتىنبىز.
