قازاقستاننىڭ بٸرٸنشٸ, ەلەمنٸڭ 50-راكەتكاسى الەكساندر بۋبليك انتالييا ATP 250 تۋرنيرٸن سەتتٸ باستادى, دەپ حابارلايدى "ۇلت اقپارات".
وسى تۋرنيردٸڭ 8-راكەتكاسى بولىپ تٸركەلگەن قازاقستاندىق تەننيسشٸ العاشقى اينالىمدا دٷنيەجٷزٸلٸك رەيتينگتە 76-ورىندا تۇرعان يتالييالىق سالۆاتورە كارۋزومەن كٷش سىناستى.
ماتچتى سەتتٸ باستاعان بۋبليك بٸردەن برەيكپەن العا شىقتى – 2:0. ول بٸرٸنشٸ پارتييادا وسى باسىمدىلىعىنان ايىرىلا قويعان جوق – 6:3.
ەكٸنشٸ سەتتە ەسەپ 3:2 بولعان مەزەتتە قازاقستاندىق سپورتشى برەيك جاساي الدى – 4:2. اقىرى ماتچتى جەڭٸسپەن اياقتادى – 6:3.
بەسەكە 1 ساعات 8 مينۋتقا سوزىلدى.
ا.بۋبليك جٷلدە قورى 300 مىڭ ەۋروعا باعالانعان دودانىڭ ەكٸنشٸ اينالىمىندا بەلارۋس ەلٸنٸڭ ٶكٸلٸ, ەلەمنٸڭ 78-راكەتكاسى ەگور گەراسيموۆ نەمەسە رەيتينگتە 271-ساتىداعى فرانتسييالىق تريستان لامازيننٸڭ بٸرەۋٸمەن كەزدەسەدٸ.
