تەڭٸز كەنٸشٸندەگٸ ينفەكتسييالىق ستاتسيوناردا ەم الىپ جاتقانناۋقاستار سانى 400-گە جەتتٸ, دەپ حابارلايدى "ۇلت اقپارات".
اتىراۋ وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ تاراتقان مەلٸمەتٸنە قاراعاندا, ٶتكەن تەۋلٸكتە 59 ادامنان كوروناۆيرۋس ينفەكتسيياسى پتر ارقىلى راستالعان. ناۋقاستاردىڭ اراسىندا اتىراۋ قالاسىنان 12 ادام بار. بۇعان قوسا جىلىوي اۋدانىندا – 4, قىزىلقوعادا – 3, يندەردە – 4, قۇرمانعازى اۋدانىندا 5 ادامنىڭ قاۋٸپتٸ ٸندەتكە شالدىققانى بەلگٸلٸ بولدى. ال, تەڭٸز كەنٸشٸندە 31 جۇمىسشى كوروناۆيرۋس جۇقتىرعان. ونىڭ ٸشٸندە 19 ناۋقاستا قاۋٸپتٸ ٸندەتتٸڭ سيمپتومدى تٷرٸ انىقتالعان.
«قازٸر 220 ادام ٷي جاعدايىندا ەمدەلٸپ جاتىر. وبلىستىق ينفەكتسييالىق ستاتسيوناردا 102 ناۋقاس, ال, اۋداندارداعى ستاتسيونارلاردا 18, تەڭٸز كەنٸشٸندەگٸ ستاتسيوناردا 400 پاتسيەنت ەم قابىلداۋدا. ٶتكەن تەۋلٸكتە 83 ادام كوروناۆيرۋس ينفەكتسيياسىنان ەمدەلٸپ شىقتى», - دەپ حابارلادى باسقارمانىڭ باسپاسٶز قىزمەتٸنەن.
