تەڭٸز كەن ورنىنىڭ ۆاحتاشىلار تۇراتىن اۋىلىندا كوروناۆيرۋس جۇقتىرعان ەيەلمەن بايلانىستى بولعاندار انىقتالدى. ولاردىڭ جالپى سانى 10 ادام, دەپ حابارلايدى "ۇلت اقپارات".
ٶڭٸرلٸك كوممۋنيكاتسييالار قىزمەتٸندە ٶتكەن بريفينگٸدە اتىراۋ وبلىستىق دەنساۋلىق ساقتاۋ باسقارماسى باستىعىنىڭ ورىنباسارى گٷلنافيس تاڭباەۆا ۆاتەرناس اتتى ۆاحتاشىلار اۋىلىنداعى 50 جاستاعى ەيەلمەن بايلانىستا بولعان 10 ادامنىڭ بارلىعىنان اناليز الىنعاندىعىن حابارلادى.
جۇمىسشىلاردىڭ بارلىعى وقشاۋلاندىرىلىپ, ستاتسيونارعا جاتقىزىلعان. سونىمەن قاتار ۆيرۋس جۇقتىرعان اداممەن بايلانىستا بولعاندارمەن قارىم-قاتىناس جاساعان تاعى 50 ادام وقشاۋلاندىرىلدى.
«تەڭٸزشەۆرويل» جشس قوعاممەن جەنە باق-پەن بايلانىس جٶنٸندەگٸ باس مەنەدجەر رزابەك ارتىعاليەۆتٸڭ سٶزٸنشە, قازٸرگٸ تاڭدا تەڭٸز كەنٸشٸنەن شىعۋعا تىيىم سالىنعان. كەنٸشكە تەك بٸرٸنٸشٸ كەزەكتە قاجەتتٸ تاۋارلاردى تاسىمالدايتىن كٶلٸكتەر مەن جٷك كٶلٸكتەرٸنە عانا كٸرۋگە رۇقسات ەتٸلگەن. جٷرگٸزۋشٸلەردٸڭ دەنە قىزۋى تەكسەرٸلٸپ جاتىر. كەنٸشكە كٸرەتٸن جەرلەردە 4 سانيتارلىق بەكەت ورناتىلدى. كەسٸپورىننىڭ ٶزٸندە ادامدار ارا قاشىقتىقتى ساقتاپ جٷرەدٸ, بارلىق ٶندٸرٸس نىساندارى دەزينفەكتسييالانىپ, تەرمومەترييالىق سكرينينگ جٷرگٸزٸلٸپ جاتىر.
