اتىراۋ وبلىسىنداعى تەڭٸز كەن ورنىندا بولعان ٶرت كەزٸندە بٸر تەحنيكا جانىپ كەتتٸ, دەپ حابارلايدى قازاقپارات.
بٷگٸن جەرگٸلٸكتٸ ۋاقىتپەن ساعات 16:40-تا تەڭٸز كەن ورنىنداعى جوبانىڭ مەردٸگەرٸ – «Nasar Solution» جشس-نٸڭ ٶندٸرٸستٸك تسەحىنان ٶرت شىققان. جالىندى اۋىزدىقتاۋعا تشو-نىڭ ٶرت سٶندٸرۋ-اپاتتىق قۇتقارۋ قىزمەتٸنٸڭ قىزمەتكەرلەرٸ جەدەل جەتتٸ. ال, مەردٸگەر كومپانييانىڭ 15 قىزمەتكەرٸ قاۋٸپسٸز جەرگە ەۆاكۋاتسييالاندى.
«جىلىوي اۋدانىنداعى تەڭٸز كەن ورنىندا «Nasar Solution» جشس-نٸڭ اشىق اۋماعىندا بٸر-بٸرٸنە جاقىن تۇرعان 20 كونتەينەر مەن مەتالل بٶشكەلەردە, سونداي-اق, پلاستماسسا ىدىستاردا ساقتالعان تەز تۇتاناتىن سۇيىق قالدىقتار جانعان. جالپى اۋماعى شامامەن 2 800 شارشى مەتردٸ شارپىعان ٶرتتٸڭ سالدارىنان «Car» ماركالى 1 جٷك كٶتەرگٸش تەحنيكا جانىپ كەتتٸ. جالىن ساعات 19:46-دا وقشاۋلانىپ, ساعات 20:30-دا سٶندٸرٸلدٸ», - دەپ مەلٸم ەتتٸ وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنەن.
ٶرتتٸ سٶندٸرۋگە تشو-نىڭ ٶرت سٶندٸرۋ-اپاتتىق قۇتقارۋ قىزمەتٸنٸڭ 17 قىزمەتكەرٸ مەن 4 تەحنيكاسى, «COCR» جشس-نٸڭ 6 قىزمەتكەرٸ مەن 2 تەحنيكاسى, وبلىستىق تٶتەنشە جاعدايلار دەپارتامەنتٸنٸڭ 12 قىزمەتكەرٸ مەن 2 تەحنيكاسى جۇمىلدى.
