تەڭگەگە سىرتقى نارىقتاعى وقيعالار مەن سىرتقى فاكتورلاردىڭ تٷرلٸ باعىتتا ەسەر ەتۋٸ تۋرالى ۇلتتىق بانكتٸڭ مونەتارلىق وپەراتسييالار دەپارتامەنتٸ ديرەكتورى نۇرجان تۇرسىنحانوۆ ايتىپ بەردٸ, دەپ حابارلايدى قازاقپارات.
«ەڭ الدىمەن, تەڭگەنٸڭ نىعايۋىنا مۇناي باعاسىنىڭ ٶسۋٸ ەسەر ەتتٸ. Brent ەتالوندىق سۇرىپتى مۇناي باعاسىن بەلگٸلەۋ بەيسەنبٸنٸڭ اشىلۋ باعاسىمەن سالىستىرعاندا, جۇما كٷنٸ تاڭەرتەڭ 5%-دان استام قوسىپ, بۇرىن قول جەتكٸزٸلگەن ەڭ جوعارى مەندەرگە قايتا ورالدى. مۇناي ەكسپورتتاۋشى ەلدەر ۇيىمى سەۋٸردە ٶندٸرٸس كٶلەمٸن ٶزگەرٸسسٸز ساقتاۋ تۋرالى كٷتپەگەن شەشٸم شىعاردى. بۇل شەشٸم مۇناي نارىعىندا قالىپتاسقان جاعدايعا سەبەپ بولدى. سونىمەن قاتار, ساۋد ارابيياسى ٶندٸرٸستٸ كٷنٸنە 1 ملن باررەلگە ەرٸكتٸ تٷردە قىسقارتۋدى ساقتاعىسى كەلەتٸن نيەتٸن جەتكٸزدٸ», - دەيدٸ نۇرجان تۇرسىنحانوۆ.
مەەۇ+ مينيسترلەر كەزدەسۋٸ 4 ناۋرىزدا بەيسەنبٸدە ٶتكەن بولاتىن. بۇعان دەيٸن كەزدەسۋ قورىتىندىسى بويىنشا, ەلدەر ٶندٸرۋدٸ كٷنٸنە 0,5 ملن باررەلگە ارتتىرادى دەپ كەلٸسٸلگەن بولاتىن.
«ەكٸنشٸ جاعىنان, كٶپتەگەن ۆاليۋتالارعا قارسى اقش دوللارىنىڭ نىعايۋى بايقالدى. فرج جۇمىسپەن قامتۋ مەن ينفلياتسييادا ايتارلىقتاي ٸلگەرٸلەۋگە دەيٸن ىنتالاندىرۋشى مونەتارلىق ساياساتتى ساقتاۋعا مٸندەتتەمە بەرگەنٸن مەلٸمدەگەنٸمەن دج. پاۋەلل ٶزٸنٸڭ Wall Street Journal-عا بەرگەن كەشەگٸ سۇحباتىندا جىل باسىنان بەرٸ وبليگاتسييالار كٸرٸستٸلٸگٸنٸڭ ٶسۋٸنە اسا كٶپ الاڭداۋشىلىق بٸلدٸرمەدٸ. فرج باسشىسىنىڭ سۇحباتى اقش مەملەكەتتٸك قۇندى قاعازدارىنىڭ كٸرٸستٸلٸگٸنٸڭ ٶسۋٸنە تاعى بٸر سەرپٸن بەردٸ. 10 جىلدىق قازىناشىلىق وبليگاتسييانىڭ كٸرٸستٸلٸگٸ 2020 جىلعى اقپاننىڭ ورتاسىنان باستاپ العاش رەت 1,57% دەڭگەيٸنە جەتتٸ. بۇل Emerging markets تارتىمدىلىعىنىڭ تٶمەندەۋٸنە ەسەر ەتتٸ», - دەيدٸ ۇلتتىق بانكتٸڭ مونەتارلىق وپەراتسييالار دەپارتامەنتٸ ديرەكتورى.
فرج باسشىسىنىڭ مەلٸمدەمەسٸ اقش دوللارىنىڭ ەلەمدٸك ۆاليۋتالارعا, ونىڭ ٸشٸندە دامۋشى ەلدەردٸڭ ۆاليۋتالارىنا قاتىستى نىعايۋىنا ىقپال ەتتٸ. وڭتٷستٸك افريكا راندى بەيسەنبٸ كٷنٸ تاڭەرتەڭنەن باستاپ جۇما ارالىعىندا 1,5%-عا, برازيلييا رەالى 0,9%-عا, مەكسيكا پەسوسى 0,8%-عا ەلسٸرەدٸ.
تەڭگەگە قىسىمنىڭ قوسىمشا فاكتورى رەسەي رۋبلٸنٸڭ ەلسٸرەۋٸ بولدى. ول Bloomberg حابارلاماسى اياسىندا اقش پەن ۇلىبريتانييا حيمييالىق قارۋدى پايدالانعانى ٷشٸن رەسەيگە قارسى قوسىمشا سانكتسييالار ەنگٸزۋ مٷمكٸندٸگٸن تالقىلايتىن دەرەككٶزدەرگە سٸلتەمە جاساي وتىرىپ, 0,7%-عا ارزاندادى. اقش سوڭعى شارا رەتٸندە ەو-پەن بٸرگە دەربەس بورىشقا سانكتسييالار ەنگٸزۋ تۋرالى مەسەلەنٸ قاراستىراتىنى تۋرالى حابارلادى. رف وب دەرەكتەرٸ بويىنشا, شەتەلدٸك ينۆەستورلار جالپى نارىقتىڭ 23,4%-ىن يەلەنە وتىرىپ, فەدەرالدىق بورىشتىڭ رۋبلدەگٸ وبليگاتسييالارىندا 42,8 ملرد دوللار ۇستايدى», - دەدٸ تۇرسىنحانوۆ.
