«قازاقستان تەمٸر جولى» قازاقستاندىقتارعا تەمٸرجول كٶلٸگٸ نىساندارىندا مۇقييات بولۋ كەرەكتٸگٸن ەسكەرتەدٸ, دەپ حابارلايدى قازاقپارات.
تەمٸرجولدا بالالاردىڭ قاتىسۋىمەن بولاتىن قايعىلى جاعدايلار جيٸلەپ كەتتٸ: سوڭعى ٷش كٷندە ەكٸ جاسٶسپٸرٸم قايتىس بولدى.
مەسەلەن, 25 جەلتوقساندا تاراز ستانتسيياسىندا پويىز ۆاگونىندا سەلفي جاساۋ ەرەكەتٸ كەزٸندە 15 جاسار جاسٶسپٸرٸم تٷيٸسپەلٸ سىمداعى توكتان قازا تاپتى.
وسىعان ۇقساس وقيعا 27 جەلتوقساندا الماتى ستانتسيياسىنداعى قابىلداۋ-جٶنەلتۋ پاركٸندە ورىن الدى.
سەلفي جاساعان ەكٸ جاسٶسپٸرٸم جوعارى كەرنەۋلٸ توك رازريادىن الدى. ولاردىڭ بٸرٸ سول جەردە قايتىس بولدى.
اتالعان فاكتٸلەر بويىنشا تەرگەۋ امالدارى جٷرٸپ جاتىر.
«قتج» ۇك» اق قازاقستاندىقتارعا تەمٸرجول كٶلٸگٸ نىساندارىندا مۇقييات بولۋدى جەنە ٶز ٶمٸرلەرٸنە قاۋٸپ تٶندٸرمەۋدٸ سۇرايدى.
تەمٸرجول كٶلٸگٸ – جەكە قاۋٸپسٸزدٸك ەرەجەلەرٸن قاتاڭ ساقتاۋدى قاجەت ەتەتٸن قاۋٸپتٸ ايماق.
«جاياۋ جٷرگٸنشٸلەر كٶپٸرٸن, تٶسەمدەردٸ پايدالانا وتىرىپ, جاقىنداپ كەلە جاتقان پويىزدىڭ جوقتىعىنا كٶز جەتكٸزٸپ بارىپ, بەلگٸلەنگەن ورىنداردان تەمٸر جولدى كەسٸپ ٶتۋ قاجەت. تەمٸرجولدا, پويىز ۆاگوندارىندا فوتو جەنە بەينە تٷسٸرمەڭٸز. جوعارى كەرنەۋلٸ سىمداردىڭ جانىندا, پەررونداردا, سٷرٸنۋ وڭاي قاۋٸپتٸ جەرلەردە سۋرەتكە تٷسۋگە قاتاڭ تىيىم سالىنادى. ەشقانداي دا كەرەمەت كادر دەنساۋلىعىڭىزعا نەمەسە ٶمٸرٸڭٸزگە تاتىمايدى», - دەپ ەسكەرتەدٸ ۇلتتىق تاسىمالداۋشى.
