«Qazaqstan temir joly» qazaqstandyqtarǵa temirjol kóligi nysandarynda muqiiat bolý kerektigin eskertedi, dep habarlaidy QazAqparat.
Temirjolda balalardyń qatysýymen bolatyn qaiǵyly jaǵdailar jiilep ketti: sońǵy úsh kúnde eki jasóspirim qaitys boldy.
Máselen, 25 jeltoqsanda Taraz stantsiiasynda poiyz vagonynda selfi jasaý áreketi kezinde 15 jasar jasóspirim túiispeli symdaǵy toktan qaza tapty.
Osyǵan uqsas oqiǵa 27 jeltoqsanda Almaty stantsiiasyndaǵy qabyldaý-jóneltý parkinde oryn aldy.
Selfi jasaǵan eki jasóspirim joǵary kerneýli tok razriadyn aldy. Olardyń biri sol jerde qaitys boldy.
Atalǵan faktiler boiynsha tergeý amaldary júrip jatyr.
«QTJ» UK» AQ qazaqstandyqtarǵa temirjol kóligi nysandarynda muqiiat bolýdy jáne óz ómirlerine qaýip tóndirmeýdi suraidy.
Temirjol kóligi – jeke qaýipsizdik erejelerin qatań saqtaýdy qajet etetin qaýipti aimaq.
«Jaiaý júrginshiler kópirin, tósemderdi paidalana otyryp, jaqyndap kele jatqan poiyzdyń joqtyǵyna kóz jetkizip baryp, belgilengen oryndardan temir joldy kesip ótý qajet. Temirjolda, poiyz vagondarynda foto jáne beine túsirmeńiz. Joǵary kerneýli symdardyń janynda, perrondarda, súriný ońai qaýipti jerlerde sýretke túsýge qatań tyiym salynady. Eshqandai da keremet kadr densaýlyǵyńyzǵa nemese ómirińizge tatymaidy», - dep eskertedi ulttyq tasymaldaýshy.
