تەمٸرتاۋدا كٶپقاباتتى ٷيلەردٸڭ بٸرٸندە تٶرتٸنشٸ قاباتتا ورنالاسقان پەتەر تەرەزەسٸنەن 4 جاسار بالا قۇلاپ كەتتٸ. ول اۋرۋحاناعا جەتكٸزٸلدٸ, دەپ حابارلايدى "ۇلت اقپارات".
قاراعاندى وبلىسى تجد باسپاسٶز قىزمەتٸنٸڭ حابارلاۋىنشا, 22 شٸلدە كٷنٸ ساعات 19:14-تە تەمٸرتاۋ قالاسىندا 4-قاباتتاعى پەتەردٸڭ تەرەزەسٸنەن 2017 جىلى تۋعان قىز بالا قاراۋسىز قالىپ, ابايسىزدا قۇلاپ كەتكەن.
«2017 جىلعى بالا 4-قاباتتان قۇلاعاننان كەيٸن اۋرۋحاناعا تٷسكەن. ناۋقاستا بيٸكتٸكتەن قۇلاۋ جاراقاتتارى انىقتالد ى . ٸش جاراقاتى. ديستالدى اياقتىڭ ەپيفيزٸنٸڭ جابىق ەپيفيزيوليزٸ. يەك ايماعىنىڭ جاراقاتى», - دەپ حابارلادى قاراعاندى وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸ.
ەرەسەكتەر تاراپىنان دۇرىس باقىلاۋدىڭ بولماۋى — بالالاردىڭ جاراقاتتانۋى مەن ٶلٸمٸنٸڭ نەگٸزگٸ سەبەبٸ, دەيدٸ وبلىستىق تجد ماماندارى. وسىعان بايلانىستى قۇتقارۋشىلار اتا-انالاردان كٸشكەنتاي بالالارىن ەردايىم قاداعالاپ وتىرۋدى, ولاردى تەرەزەلەرٸ بار اشىق ٷي-جايلاردا جالعىز قالدىرماۋدى سۇرايدى.
