«ۇلتتىق اقپاراتتىق تەحنولوگييالار» اق باسقارما تٶراعاسىنىڭ ورىنباسارى دەۋلەت بەكمانوۆ قازاقستاندا تەحنيكالىق بايقاۋ ورتالىقتارىنا قويىلاتىن تالاپتار كٷشەيگەنٸن مەلٸم ەتتٸ, دەپ حابارلايدى قازاقپارات.
«ەلٸمٸزدەگٸ تەحنيكالىق بايقاۋ ورتالىقتارىنىڭ جۇمىسىن قامتيتىن باعدارلامانىڭ تالاپتارىن وسى جىلدىڭ شٸلدەسٸندە بەكٸتكەن ەدٸك. ال نەگٸزٸ بۇل تالاپ 2017 جىلى ەنگٸزٸلگەن. ەيتسە دە, تەحنيكالىق بايقاۋ ورتالىقتارى ول تالاپتاردى ەسكەرمەي كەلدٸ. باستى تالاپ – كٶلٸك تەحنيكالىق بايقاۋ ورتالىعىنا كٸرگەن كەزدە-اق بارلىق مەلٸمەت اۆتوماتتى تٷردە جٷيەگە ەنگٸزٸلۋٸ تيٸس. وسى تالاپقا ساي كەلەتٸن باعدارلاما بويىنشا جۇمىس ٸستەيتٸن 160 ورتالىقتىڭ جٷيەگە كٸرەتٸن كٸلتٸ قايتارىپ الىندى. ولار ەندٸ باعدارلامالارىن جەتٸلدٸرٸپ, قايتا جۇمىسقا كٸرٸسۋٸ تيٸس», - دەدٸ دەۋلەت بەكمانوۆ ەلوردادا ٶتكەن باسپاسٶز مەسليحاتىندا.
ونىڭ ايتۋىنا قاراعاندا, تەحنيكالىق بايقاۋ ورتالىقتارى بەس تٷرلٸ باعدارلاما بويىنشا جۇمىس جٷرگٸزەلٸ. سونىڭ ٷشەۋٸ عانا تەكسەرۋدەن ٶتكەنٸ حابارلانىپ وتىر.
«ال كٶلٸكتٸڭ مەملەكەتتٸك تٸركەۋ نٶمٸرٸن انىقتاي المايتىن جٷيەسٸ بار 2 رەسەيلٸك باعدارلاما تەكسەرۋدەن ٶتپەدٸ. باعدارلامانى جاساعان كومپانييا انىقتالعان كەمشٸلٸكتەردٸ جويۋدى ۋەدە ەتٸپ وتىر. قوسىمشا تەكسەرۋدەن كەيٸن ول باعدارلاما دا جٷيەگە ەنگٸزٸلۋٸ مٷمكٸن», - دەدٸ ول.
ال قر ييدم كٶلٸك كوميتەتٸ تٶراعاسىنىڭ ورىنباسارى دانييار قوسپاباەۆتىڭ ايتۋىنشا, قازاقستاندا قۇرامىندا مىڭعا تارتا تەحنيكالىق بايقاۋ ورتالىعى بار 645 وپەراتور جۇمىس ٸستەيدٸ.
«جىل سايىن تەحنيكالىق بايقاۋدان 2 ملن كٶلٸكتٸڭ 1,8 ميلليونى ٶتەدٸ. ياعني, كٶلٸكتەردٸڭ 5 پايىزى ٶتپەي قالىپ جاتىر», - دەدٸ ول.
