فوتو: ەلەۋمەتتٸك جەلٸدەن
اكتەر, تەاتر رەجيسسەرٸ, تەاتر قايراتكەرٸ, پروفەسسور ەسمۇحان وباەۆ ٶمٸردەن ٶتتٸ, دەپ حابارلايدى Ult.kz.
«ول تەربيەلەگەن بۋىن, ساحنالاعان تۋىندىلار مەن قالىپتاستىرعان كٶركەمدٸك ۇستانىم قازاق تەاترىنىڭ التىن قورىندا قالا بەرمەك», — دەپ جازدى قر مەدەنيەت جەنە اقپارات مينيسترلٸگٸ.
ەسمۇحان نەسٸپبايۇلى وباەۆ 1941 جىلى 23 ماۋسىمدا الماتى وبلىسى كەگەن اۋدانى كەگەن اۋىلىندا دٷنيەگە كەلگەن. ۇلى جٷزدٸڭ البان تايپاسىنان شىققان.
1960 - 1964 جىلدارى قازاق ۇلتتىق كونسەرۆاتوريياسىنىڭ تەاتر فاكۋلتەتٸنٸڭ رەجيسسەرلٸك بٶلٸمٸن ٷزدٸك بٸتٸرگەن.
ن. گوگولدٸڭ «ٷيلەنۋ», «رەۆيزور», م. گوركييدٸڭ «شىڭىراۋ تٷبٸندە», ۋ. شەكسپيردٸڭ «اساۋعا – تۇساۋ», ع. فايزيدٸڭ «باشماعىم», س. قۇداشتىڭ «قۇداشا», ۋ. گادجيبەكوۆتٸڭ «ارشىن مال الان», و. يوسەليانيدٸڭ «ارباڭ امان بولسىن», ۇلتتىق كلاسسيكادان م. ەۋەزوۆتٸڭ «اباي», «قاراگٶز», «ايمان-شولپان», «ەڭلٸك-كەبەك», «دوس – بەدەل دوس», ع. مٷسٸرەپوۆتٸڭ «قىز جٸبەك», «اقان سەرٸ-اقتوقتى», «قوزى كٶرپەش-بايان سۇلۋ», س. مۇقانوۆتىڭ «شوقان ۋەليحانوۆ» پەسالارىن, ە. راحماديەۆ, ع.مٷسٸرەپوۆتٸڭ «قايران, مايراسىن», سونداي-اق, ت. احتانوۆ, س. شايمەردەنوۆ, ق. مۇحامەدجانوۆ, ە. تارازي, س. جٷنٸسوۆتەردٸڭ درامالىق شىعارمالارىمەن قاتار, دراماتۋرگيياعا 1975-1990جج. كەلگەن جاس بۋىن ٶكٸلدەرٸ و. بٶكەەۆتٸڭ «قۇلىنىم مەنٸڭ», «زىمىرايدى پوەزدار», د. يسابەكوۆتٸڭ «ەپكە», «پەريزات», ت. نۇرماعامبەتوۆتٸڭ «ەسكٸ ٷيمەن قوشتاسۋ», ن. ورازاليننٸڭ «تاس كيٸكتەر», ر. سەيسەنباەۆتىڭ «ٶزٸڭدٸ ٸزدە», «قازبەكتٸڭ ورالۋى», «تٷنگٸ ديالوگ», ب. مۇقايدىڭ «سەرگەلدەڭ بولعان سەرٸلەر», «قوش بول, ەرتەگٸم!» پەسالارىنىڭ تۇڭعىش قويىلىمدارىن سەتتٸ جٷزەگە اسىرىپ, رۋحاني اينالىمعا تٷسٸردٸ.
ول قازاق كسر حالىق ارتيسٸ (1988). قازاق كسر ەڭبەك سٸڭٸرگەن ٶنەر قايراتكەرٸ (1975). "تارلان" تەۋەلسٸز پلاتيندى سىيلىعىنىڭ لاۋرەاتى. بارىس, پاراسات وردەندەرٸنٸڭ يەگەرٸ. قازاقستان رەسپۋبليكاسىنىڭ مەدەنيەت سالاسىنداعى مەملەكەتتٸك ستەپەنديياسىنىڭ لاۋرەاتى.
