گرۋزييا استاناسىندا اباي قۇنانبايۇلىنا ەسكەرتكٸش ورناتىلدى. ونىڭ اشىلۋ سالتاناتىنا قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ قاتىستى, دەپ حابارلايدى قازاقپارات ۆەدومستۆونىڭ باسپاسٶز قىزمەتٸنە سٸلتەمە جاساپ.
اتالعان ٸس-شارا قازاقستان مەن گرۋزييا اراسىنداعى ديپلوماتييالىق قارىم-قاتىناستاردىڭ ورناعانىنا 30 جىل تولۋىنا وراي ۇيىمداستىرىلدى.
«بۇل ەكٸ ەل اراسىنداعى دوستىعىمىزدىڭ تاعى بٸر نىشانى بولارى سٶزسٸز. اباي مۇراسى تەك بٸزدٸڭ ەلٸمٸز ٷشٸن عانا ەمەس, بٷكٸل ادامزات ٷشٸن زور قۇندىلىق بولىپ تابىلادى. 2020 جىلى بٸز ۇلى ابايدىڭ 175 جىلدىق مەرەيتويىن اتاپ ٶتتٸك. كٶرسەتٸلگەن وسىناۋ قۇرمەت ٷشٸن گرۋزييا ٷكٸمەتٸ مەن حالقىنا العىس ايتامىن», – دەدٸ قايىربەك ٶسكەنباەۆ.
تبيليسيگە جۇمىس ساپارىمەن بارعان مينيستر گرۋزييانىڭ ۆيتسە-پرەمەرٸ, ەكونوميكا جەنە تۇراقتى دامۋ مينيسترٸ لەۆان داۆيتاشۆيليمەن كەزدەستٸ. كەلٸسسٶزدەر بارىسىندا كٶلٸك, اقپاراتتىق تەحنولوگييالار جەنە يننوۆاتسييالار سالاسىنداعى ساۋدا-ەكونوميكالىق ىنتىماقتاستىقتى دامىتۋ پەرسپەكتيۆالارى سيياقتى ماڭىزدى مەسەلەلەر قوزعالدى.
قايىربەك ٶسكەنباەۆتىڭ ايتۋىنشا, قازاقستان مەن گرۋزييا اراسىنداعى ساۋدا قاتىناستارىن ۇلعايتۋدا ايتارلىقتاي ەلەۋەت بايقالادى. مينيستر بٷگٸنگٸ تاڭدا قازاقستاندىق كومپانييالار مەتاللۋرگييا, مۇناي-حيمييا, تاماق جەنە ماشينا جاساۋ سالالارىندا ٶڭدەلگەن تاۋارلارىنىڭ گرۋزيياعا ەكسپورتىن ارتتىرۋعا دايىن ەكەنٸن اتاپ ٶتتٸ. ولاردىڭ قاتارىندا فارماتسەۆتيكا مەن قۇرىلىس سالاسى دا بار.
سونداي-اق, مينيستر گرۋزييانىڭ قورعانىس مينيسترٸ بۋرچۋلادزە دجۋانشەرمەن كەزدەسٸپ, ساۋدا-ەكونوميكالىق ىنتىماقتاستىق جٶنٸندەگٸ ٷكٸمەتارالىق كوميسسييا وتىرىسىنىڭ جۇمىسىنا قاتىسۋدى جوسپارلاپ وتىر.
