ت.بيگەلدينوۆ اتىنداعى ەۋە قورعانىسى كٷشتەرٸنٸڭ ەسكەري ينستيتۋت كۋرسانتتارى ۇشاق باسقارۋدى ٷيرەندٸ, دەپ حابارلايدى قازاقپارات.
اقتٶبەنٸڭ «حلەبوداروۆكا» اەرودرومىندا ەسكەري ينستيتۋت كۋرسانتتارى تەجٸريبە جيناقتادى. بارلىعى 24 كۋرسانت جىل بويى العان تەورييالىق بٸلٸمٸن جەتٸلدٸرٸپ, ەمتيحان تاپسىردى, دەرٸگەرلٸك كوميسسييادان ٶتتٸ. نەگٸزٸ ەسكەري اۆياتسييا فاكۋلتەتٸندەگٸ ۇشۋ تەجٸريبەسٸ مامىر ايىندا باستالىپ, جاز بويى جالعاسادى. ال اەرودرومدا مي-8 تٸكۇشاعى دايىن. باعدارلاما بويىنشا كۋرسانت ينسترۋكتورمەن بٸرگە ەۋەگە كٶتەرٸلٸپ, ارنايى مارشرۋتپەن جٷرٸپ ٶتەدٸ.
«تٸكۇشاقتى باسقارماس بۇرىن تەورييالىق بٸلٸم الامىز. جەردە ەۋەدەگٸ ەربٸر ەلەمەنت مۇقييات زەردەلەنەدٸ. سونىمەن قاتار تٶتەنشە جاعدايداعى ٸس-قيمىل ٷيرەتٸلەدٸ. ەۋەدە ۇساق-تٷيەك بولمايدى. تٸشۇشاق ەۋەگە كٶتەرٸلسە بەرٸ ٶزگەرەدٸ. سوندىقتان ۇشقىشتار اراسىندا اسپان بٸر بالدى شەگەرەدٸ دەگەن تٷسٸنٸك بار. ەگەر جەردە ٷزدٸك وقىسا, ەۋەدە «جاقسى» دەگەن باعا الادى», - دەدٸ ينستيتۋتتىڭ وقۋ ورتالىعى كومانديرٸنٸڭ ورىنباسارى ۆاديم چۋباچۋك.
ينستيتۋتىڭ كۋرسانتى باۋىرجان سابىرباەۆ 50 ساعات ەۋەدە ۇشتى. ونىڭ 20 ساعاتتان استامىن ينسترۋكتورمەن ٶتكٸزسە, 30 ساعاتى ٶزٸنە تيەسٸلٸ.
«بالا كٷنٸمنەن اسپانعا كٶتەرٸلۋدٸ ارماندادىم. ۇشقىشتار تۋرالى كٶپ كٸتاپ وقىپ, فيلمدەر قارادىم, فيزيكا مەن ماتەماتيكانى وقىدىم. وسى ەكٸ پەننٸڭ ماڭىزدى ەكەنٸن بٸلدٸم. مەنٸڭ العاشقى نۇسقاۋشىم ەكەم بولدى. ول قازٸر زاپاستاعى پولكوۆنيك», - دەدٸ باۋىرجان سابىرباەۆ.
كۋرسانتتار ٷشٸن ينسترۋكتورمەن ٶتەتٸن 20 ساعات ماڭىزدى. وسى ۋاقىت ارالىعىندا كۋرسانتتىڭ ەۋەگە جالعىز كٶتەرٸلۋٸنە بولاتىنى نەمەسە بولمايتىنى شەشٸلەدٸ.
«تەجٸريبەدە ەكٸ جاعداي بولدى. ەكٸ جاعدايدا دا كۋرسانتقا قوسىمشا ساعات بەرٸلٸپ, سٶيلەستٸك. نەتيجەسٸندە ەكٸ كۋرسانتتى دا باسقا فاكۋلتەتكە اۋىستىرۋعا تۋرا كەلدٸ. سەبەبٸ, ەۋە قاتەلٸكتٸ كەشٸرمەيدٸ», - دەدٸ وقۋ-اۆياتسييا ورتالىعىنىڭ باستىعى نۇربول سەلٸمباەۆ.
ەۋە قورعانىسى كٷشتەرٸ ەسكەري ينستيتۋتىنىڭ باسپاسٶز قىزمەتٸنەن حابارلاعانداي, 24 كۋرسانتتىڭ بەرٸ ەمتيحاننان سەتتٸ ٶتتٸ.
