تەجٸكستاندا كوروناۆيرۋسقا بايلانىستى تٷرلٸ سىبىس تاراپ, تۇرعىندار جاپپاي ازىق-تٷلٸك ساتىپ الا باستاعان سوڭ بيلٸك ەلدە ازىق-تٷلٸك قورى جەتكٸلٸكتٸ دەپ مەلٸمدەمە جاساۋعا مەجبٷر بولدى. وسىنداي "اجيوتاجدىڭ" سالدارىنان كەيبٸر ازىق-تٷلٸك تٷرلەرٸ قىمباتتاپ, دٷكەن سٶرەلەرٸ بوساي باستاعان. 5 ناۋرىزدا دەنساۋلىق ساقتاۋ مينيسترلٸگٸ جەنە حالىقتى ەلەۋمەتتٸك قورعاۋ مينيسترلٸگٸ "ازىق-تٷلٸك قورى جەتكٸلٸكتٸ, توعىز ميلليون حالىقتى اسىراۋ ٷشٸن ەلٸ ەكٸ جىلعا جەتەدٸ" دەپ مەلٸمدەدٸ.
ال ەكونوميكا جەنە ساۋدا مينيسترلٸگٸ تۇرعىنداردى "ازىق-تٷلٸك تاپشىلىعى تۋرالى الىپ-قاشپا ەڭگٸمەلەرگە سەنبەۋگە" شاقىردى.
بۇعان دەيٸن بيلٸك كوروناۆيرۋسقا بايلانىستى مەشٸتتەردە جينالىپ, ناماز وقۋعا شەكتەۋ قويعان. بيلٸك سونىمەن بٸرگە دۋشانبەدە جىل سايىنعى ناۋرىز مەرەكەسٸن تويلاۋدى دا كەيٸنگە شەگەرگەن. سىبىستىڭ تارالۋىنا وسى جايتتار تٷرتكٸ بولعان. ەلدە رەسمي تٷردە كوروناۆيرۋس تابىلماعان.
تەجٸكستان COVID-19 اۋرۋىنىڭ تارالۋ وشاعى قىتايمەن شەكارالاسادى. ەلەم بويىنشا كوروناۆيرۋستان ٷش مىڭنان استام ادام قايتىس بولعان, ۆيرۋس جۇقتىرعاندار سانى 92 مىڭنان اسقان. ۆيرۋس ەلەمنٸڭ 60-تان استام ەلٸنە تاراعان.
