دٷنيەجٷزٸلٸك دەنساۋلىق ساقتاۋ ۇيىمىنىڭ تەجٸكستانداعى ٶكٸلدٸگٸنٸڭ جەتەكشٸسٸ گالينا پەرفيلەەۆا تەجٸكستاندا كوروناۆيرۋس تابىلعان جوق دەپ مەلٸمدەدٸ. ونىڭ ايتۋىنشا, 700 ادام كوروناۆيرۋس تەستٸنەن ٶتكەن, بٸراق ەشقايسىسىنان ۆيرۋس تابىلماعان.
تەجٸكستان بيلٸگٸ ەلدە كوروناۆيرۋس جوق دەۋمەن كەلەدٸ. الايدا كەيبٸر سىنشىلار قىتايمەن شەكاراداعى اۋماقتا تۇراتىن ادامداردان كوروناۆيرۋس تابىلعانىن جەنە ولاردىڭ سانى بارعان سايىن ارتىپ, ۆيرۋسپەن بايلانىستى ٶلٸم-جٸتٸم كٶبەيگەنٸن ايتادى. ولاردىڭ پٸكٸرٸنشە, رەسمي تٷردە كوروناۆيرۋس تٸركەلمەدٸ دەپ ايتىلعانمەن ەلدە كوروناۆيرۋس مٷلدە جوق دەپ ايتۋعا كەلمەيدٸ. مۇندا بيلٸك كارانتين جارييالاماي, قوعامدىق شارالارعا تىيىم سالعان جوق. جاقىندا مىڭداعان تەجٸك ميگرانتى شەتەلدەن ورالدى. مەسەلە تەك تەستپەن بايلانىستى بولۋى مٷمكٸن.
سىنشىلاردىڭ ايتۋىنشا, ٷكٸمەتتٸڭ اشىقتىق مەسەلەسٸ دە تٷرلٸ سۇراقتارعا جەتەلەيدٸ: پرەمەر-مينيستر كوحير راسۋلزودا جەتەكشٸلٸگٸمەن ٶتكەن داعدارىس توبىنىڭ كٷندەلٸكتٸ جيىنى جابىق جاعدايدا ٶتٸپ, وندا نە تالقىلانعانى مٷلدە ايتىلمادى.
31 ناۋرىزدا ازات ەۋروپا/ازاتتىق راديوسىنىڭ پرەزيدەنتٸ دجەيمي فلاي تەجٸك بيلٸگٸ جۋرناليستەرگە ەلدەگٸ كوروناۆيرۋس تۋرالى حابار تاراتۋعا كەدەرگٸ كەلتٸردٸ دەپ سىناعان.
