قىرعىزستان مەن تەجٸكستان اراسىنداعى شەكارالىق جانجال قانشالىقتى قاۋٸپتٸ جەنە بولعان جايتقا قاتىستى قازاقستاننىڭ ۇستانىمى قانداي? اتالعان سۇراقتارعا قاتىستى قر سىرتقى ٸستەر مينيسترلٸگٸ جانىنداعى سىرتقى ساياسي زەرتتەۋلەر ينستيتۋتىنىڭ باسقارما تٶراعاسى بولات نۇرعاليەۆ پٸكٸر بٸلدٸردٸ, دەپ حابارلايدى قازاقپارات.
«مەنٸڭ پٸكٸرٸم, بۇل تۇرمىستىق جانجال. ودان شۋ شىعارۋدىڭ قاجەتٸ جوق. بۇل سوعىس ەمەس. ٶزارا كەلٸسپەۋشٸلٸك بٸرنەشە ساعاتقا عانا سوزىلدى. ونىڭ ٷستٸنە ەكٸجاق وق اتىسپاۋ جٶنٸندە كەلٸسٸمگە كەلدٸ. بۇل ٸشكٸ مەسەلە, سوندىقتان سىرتتان ارالاسۋدىڭ قاجەتٸ جوق. اتالعان جانجال مەملەكەتارالىق قارىم-قاتىناسقا ەش ەسەر ەتپەيدٸ. بٸزدە دە بولادى عوي, كٶرشٸ ەكٸ اۋىل ٶزارا كەلٸسپەي قالادى, سول سەكٸلدٸ. ەرينە, تەجٸك-قىرعىز شەكاراسىندا نە بولىپ جاتقانىن بٸلمەيمٸن, ٶز كٶزٸممەن كٶرگەن جوقپىن», - دەدٸ بولات نۇرعاليەۆ.
ونىڭ ايتۋىنشا, اتالعان مەسەلە ەكٸ اراسىندا ٶزارا شەشٸلۋٸ تيٸس. ياعني سىرت كٷشتٸڭ ارالاسپاعانى جٶن.
«كەز كەلگەن جانجالدى شەشۋدٸڭ ەكٸ جولى بار. بٸرٸنشٸ, بەيبٸت جولمەن شەشۋ, ياعني ىمىراعا كەلۋ. ەكٸنشٸ جولى, ٶكٸنٸشكە قاراي, قانعا قان. دەگەنمەن كٶرٸپ وتىرعانىمىزداي, تەجٸك-قىرعىز اعايىن ٶزارا كەلٸسٸمگە كەلٸپ, وق اتۋدى توقتاتتى. تاعى بٸر ەسكەرەتٸن جايت, جانجال كٷتپەگەن جەردەن بولۋى مٷمكٸن. سوندىقتان ونىڭ قاشان, كٸمنٸڭ اراسىندا بولاتىنىن ەشكٸم الدىن الا ايتا المايدى. باستىسى سابىرعا, كەلٸسٸمگە كەلۋ كەرەك. ەرينە, بٸزدٸڭ ەل تەجٸك-قىرعىز جانجالىنىڭ بەيبٸت جولمەن شەشٸلۋٸن قولدايدى جەنە ەكٸ ەلگە بٸردەي تاتۋلىق تٸلەيمٸز», - دەيدٸ ول.
سونداي-اق ينستيتۋت باسشىسى ەلدە بولعان جاپپاي تەرتٸپسٸزدٸكتەر كەزٸندە اتالعان ەكٸ ەلدە قازاقستانعا قولداۋ بٸلدٸرگەنٸن ايتتى.
