اقش كونگرەسٸ ٶكٸلدەر پالاتاسىنىڭ سپيكەرٸ نەنسي پەلوسيدٸڭ تايۆانعا ساپارى كەزٸندە قىتايدىڭ ەسكەري جاتتىعۋ ٶتكٸزۋٸنەن سەكەم العان ارال بيلٸگٸ ۇرىسقا دايىندىعىن كٷشەيتتٸ. بۇل تۋرالى Reuters اگەنتتٸگٸ حابارلادى, دەپ جازادى ازاتتىق.
پەكين بۇل ساپاردى ٶزٸنٸڭ ەگەمەندٸگٸنە نۇقسان كەلتٸرۋ دەپ باعالايتىنىن مەلٸمدەپ, ۆاشينگتونعا مۇنىڭ سوڭى جاقسىلىققا اپارمايتىنىن ەسكەرتتٸ. امەريكا دەلەگاتسيياسى كەلەر قارساڭىندا قىتاي ەسكەرٸ تايۆان ماڭىندا ەسكەري جاتتىعۋ ٶتكٸزە باستادى. جاۋىنگەرلەر وق اتۋ, دەسانت تٷسٸرۋ سەكٸلدٸ جاتتىعۋلار ورىندادى. سەيسەنبٸ كٷنٸ قىتاي ارميياسى تايۆان ارالىن قورشاپ جاتقان تەڭٸزدٸڭ التى اۋدانىندا تٶرت كٷندٸك ەسكەري وقۋ باستالعانىن جارييالادى.
اقش كونگرەسٸ دەلەگاتسيياسى تايبەيگە 2 تامىزدا كەشكە كەلدٸ. ۇشاقتان تٷسكەن بەتتە پەلوسي "اقش كونگرەسسٸ دەلەگاتسيياسىنىڭ تايۆانعا ساپارى امەريكانىڭ قارقىندى دامىپ جاتقان تايۆان دەموكراتيياسىن مٷلتٸكسٸز قولدايتىنىن بٸلدٸرەدٸ" دەپ مەلٸمدەدٸ.
پەلوسي ارالدا ەكٸ كەزدەسۋ ٶتكٸزٸپ ٷلگەردٸ: تايۆان پرەزيدەنتٸ تساي ينۆەن مەن جەرگٸلٸكتٸ پارلامەنت ۆيتسە-سپيكەرٸ تساي تسيچانمەن جٷزدەستٸ. ينۆەن پەلوسيگە ٷكٸمەت مەدالٸن تاپسىردى.
قىتاي 3 تامىزدان باستاپ تايۆانعا تابيعي قۇم ەكسپورتتاۋىن دوعاردى, دەپ حابارلادى ەلدٸڭ ساۋدا مينيسترلٸگٸ. مەلٸمەتتە مۇنداي شەشٸمنٸڭ نە سەبەپتٸ قابىلدانعانى ايتىلمادى.
تابيعي قۇم شىنى, بەتون ٶندٸرٸسٸ, جول جەنە ينفراقۇرىلىم نىساندارى قۇرىلىسىندا پايدالانىلادى. تايۆانعا قۇمدى قۇرلىقتاعى قىتايدان جەتكٸزەدٸ.
بۇعان قوسا, پەكين ارالدان تسيترۋس پەن بالىق ٶنٸمدەرٸنٸڭ ەكٸ تٷرٸن يمپورتتاۋدان ۋاقىتشا باس تارتتى, دەپ حابارلادى Reuters اگەنتتٸگٸ قىتاي كەدەنٸنە سٸلتەمە جاساي وتىرىپ. بۇنىڭ الدىندا قحر كەدەنٸ ٷش مىڭنان استام تايۆان تاۋارىن قۇرلىقتاعى قىتايعا يمپورتتاۋدى دوعارعان.
قىتاي بيلٸگٸ تايۆاندى ٶز اۋماعى سانايدى جەنە ونىمەن قوسىلعىسى كەلەتٸنٸن اشىق ايتادى. اقش, بۇۇ-داعى ەلدەردٸڭ باسىم بٶلٸگٸ سەكٸلدٸ, تايۆاندى تەۋەلسٸز مەملەكەت دەپ ەسەپتەمەيدٸ, بٸراق قىتايدىڭ ارالدى كٷشپەن قوسىپ الۋ نيەتٸنە قارسى شىعادى.
