يزرايل مەن پالەستينانىڭ حاماس ەسكەري توبىنىڭ اراسىنداعى سوعىستى توقتاتۋ وسى جۇما كٷنٸ ٶز كٷشٸنە ەنۋٸ مٷمكٸن, دەپ حابارلايدى The Wall Street Journal باسىلىمى.
باسىلىم مەلٸمەتٸنشە, مىسىر بيلٸگٸ حاماس باسشىلىعىمەن كەلٸسٸمگە كەلگەن, ال يزرايلدٸك ەسكەريلەر ٶز ماقساتتارىنا جەتۋگە جاقىنداپ قالعانىن مويىندادى.
اقش رەسمي ٶكٸلٸنٸڭ مەلٸمدەۋٸنشە, پرەزيدەنت دجو بايدەننٸڭ ەكٸمشٸلٸگٸ قاقتىعىستاردىڭ وسى اپتادا اياقتالىپ, تاتۋلاستىق ورنايتىنىن كٷتٸپ وتىر. اقش مىسىر, كاتار جەنە ەۋروپانىڭ بٸرنەشە ەلٸمەن بٸرلەسٸپ گازاداعى ەسكەري ٸس-قيمىلداردى توقتاتۋ ٷشٸن بارلىق شارالاردى قابىلداۋدا
اقش-تىڭ رەسمي ٶكٸلٸ وق جاۋدىرۋدى توقتاتۋ مەحانيزمٸ بار ەكەنٸن مەلٸمدەپ, جالعىز پروبلەما – ۋاقىت ەكەنٸن ايتتى. بۇل رەتتە ول باسقا ەسكەري توپ مٷشەلەرٸ – پالەستينالىق يسلام دجيحادىنىڭ الدىن الا بولجامسىز فاكتور ەكەنٸن اتاپ ٶتتٸ. بۇل توپتىڭ تاراپتار وق جاۋدىرۋدى تولىق توقتاتۋ تۋرالى كەلٸسۋشٸلٸككە قول جەتكٸزگەن سوڭ جاعدايدى ۋشىقتىرۋى (پروۆاكاتسييالاۋ) مٷمكٸن دەگەن الاڭداۋشىلىق بار. اق ٷي تٷسٸنٸكتەمە بەرۋدەن باس تارتتى.
اقش پرەزيدەنتٸ دجو بايدەن سەرسەنبٸ كٷنٸ پرەمەر-مينيستر نەتانياحۋمەن تەلەفون ارقىلى ەڭگٸمەلەسۋ كەزٸندە «وق جاۋدىرۋدى توقتاتۋ جولىندا ايتارلىقتاي دەەسكالاتسييا كٷتٸپ وتىرعانىن» جەتكٸزدٸ. بۇل - ەكٸ ەل كٶشباسشىلارى اراسىندا بٸر اپتانىڭ ٸشٸندە بولعان تٶرتٸنشٸ تەلەفون ارقىلى ەڭگٸمەلەسۋٸ.
ايتا كەتسەك, پالەستينا توپتارى مەن يزرايلدٸك ەسكەردٸڭ بٸر-بٸرٸنە وق جاۋدىرۋ 10 مامىردا باستالدى. پالەستينا دەنساۋلىق ساقتاۋ مينيسترلٸگٸنٸڭ مەلٸمەتٸنشە, قازا بولعاندار سانى 250 ادامنان اسقان, سونىڭ ٸشٸندە 227 ادام گازا سەكتورىندا كٶز جۇمعان. 250 ادامنىڭ 60-ى – بالالار. يزرايلدٸك تاراپتان كەم دەگەندە 12 ادام قازا تاپتى.
