تالدىقورعاندا پوليتسەيلەردٸڭ ۇستالعان ازاماتتارعا زورلىق كٶرسەتكەنٸ تۋرالى جالعان اقپارات تاراتۋ بويىنشا تەرگەۋ شارالارى باستالدى, دەپ حابارلادى Sputnik قازاقستان اگەنتتٸگٸ الماتى وبلىستىق پوليتسييا دەپارتامەنتٸنە سٸلتەمە جاساپ.
قازٸرگٸ كەزدە قىلمىستىق كودەكستٸڭ 274-بابى, 2-بٶلٸگٸنٸڭ 3-تارماعى بويىنشا (بۇقارالىق اقپارات قۇرالدارىن نەمەسە تەلەكوممۋنيكاتسييالار جەلٸلەرٸن پايدالانا وتىرىپ, كٶرٸنەۋ جالعان اقپارات تاراتۋ) بويىنشا سوتقا دەيٸنگٸ تەرگەۋ شارالارى باستالدى.
جالعان اقپاراتتىڭ اۆتورىن انىقتاۋ ماقساتىندا قاجەتتٸ تەكسەرٸس شارالارى قولعا الىندى.
"قولدانىستاعى زاڭناما بويىنشا ماسسمەديادا جالعان اقپارات تاراتقانى ٷشٸن قىلمىستىق جاۋاپكەرشٸلٸك قاراستىرىلعان", – دەيدٸ پوليتسەيلەر.
ايتا كەتەرٸ, بۇعان دەيٸن بٸرقاتار بۇقارالىق اقپارات قۇرالدارىندا تالدىقورعاندىق پوليتسەيلەردٸڭ ۇستالعان ازاماتتاردى تاياقپەن زورلاپ, بەرٸن ۆيدەوعا تٷسٸرگەنٸ تۋرالى اقپارات تاراعان بولاتىن. سول كەزدە جۋرناليستەر قۇقىق قورعاۋشى ۆيكتور تەنگە سٸلتەمە جاساعان.
قىلمىستىق كودەكس بويىنشا بۇقارالىق اقپارات قۇرالدارى ارقىلى كٶرٸنەۋ جالعان اقپارات تاراتقانى ٷشٸن 3 000 اەك-كە (9 189 000 تەڭگە) دەيٸنگٸ ايىپپۇل نە سول مٶلشەردە تٷزەۋ جۇمىستارى نەمەسە 800 ساعاتقا دەيٸنگٸ مەرزٸمگە قوعامدىق جۇمىستارعا تارتۋ, يا بولماسا, ٷش جىلعا دەيٸنگٸ مەرزٸمگە باس بوستاندىعىن شەكتەۋگە نە سول مەرزٸمگە باس بوستاندىعىنان ايىرۋعا جازاسى قاراستىرىلعان.
