لوندوندا تەۋەلسٸزدٸكتٸڭ 30 جىلدىعى سەن-سالتاناتىمەن اتالىپ ٶتٸلدٸ. قازاقستاننىڭ ۇلىبريتانيياداعى ەلشٸلٸگٸ ۇيىمداستىرعان شاراعا جەرگٸلٸكتٸ ساياسي, ەكونوميكالىق جەنە مەدەني يستەبليشمەنتتٸڭ ٶكٸلدەرٸ, جۋرناليستەر, شەتەلدٸك ديپلوماتتار جەنە قازاق دياسپوراسى قاتىسىپ, قۋانىشقا ورتاقتاستى, دەپ حابارلايدى قازاقپارات اگەنتتٸگٸ.
1991 جىلى قازاقستان تۋرالى ۇلىبريتانييادا كٶپ ادام بٸلە بەرمەيتٸن. ەل ەگەمەندٸگٸن العاننان كەيٸن تۋرا بٸر اي ٶتكەن سوڭ ەكٸ ەل اراسىندا ديپلوماتييالىق ەرٸپتەستٸك ورناتىلدى. بٷگٸندە بٸرٸككەن كورولدٸك قازاقستان ەكونوميكاسىنىڭ ٸرٸ ينۆەستورلارىنىڭ بٸرٸ. 30 جىل ٸشٸندە كٶپتەگەن سالالار بويىنشا ەكٸجاقتى قارىم-قاتىناستار ورناتىلىپ, ولار جاڭا ساپالىق دەڭگەيگە كٶتەرٸلدٸ.
مەرەكەلٸك شارا بارىسىندا قوناقتارعا, سونداي-اق, تەۋەلسٸزدٸك جىلدارىنداعى جەتٸستٸكتەر مەن قازاقستان-بريتان قاتىناستارى دامۋىنىڭ نەگٸزگٸ كەزەڭدەرٸ تۋرالى باياندالدى. قازاقستاننىڭ بٸرٸككەن كورولدٸكتەگٸ ەلشٸسٸ ەرلان ىدىرىسوۆ تاريحي ٶلشەم بويىنشا قىسقا ۋاقىت ٸشٸندە مەملەكەتٸمٸزدٸڭ ورتالىق ازييانىڭ ٸرٸ ەكونوميكاسىنا اينالا العانىن اتاپ ٶتتٸ. كەشكە ۇلىبريتانييانىڭ ەۋروپا جەنە امەريكا ٸستەرٸ جٶنٸندەگٸ مەملەكەتتٸك مينيسترٸ ۆەندي مورتون ارنايى كەلٸپ, جٷرەكجاردى لەبٸزٸن جەتكٸزدٸ.
«ٷش ونجىلدىق كٶلەمٸندە ديپلوماتييالىق ەرٸپتەستٸگٸمٸز نىعايىپ كەلەدٸ. سٸزدەر تاۋارلار مەن قىزمەتتەر ساۋداسىنىڭ كٶلەمٸ جىلىنا شامامەن 1,4 ميلليارد ستەرلينگ فۋنت بولاتىن ورتالىق ازيياداعى بٸزدٸڭ ٸرٸ سەرٸكتەسٸمٸزسٸزدەر. سونىمەن قاتار قازاقستان ۇلىبريتانييانىڭ كليماتتىڭ ٶزگەرۋٸنە قارسى كٷرەستەگٸ نەگٸزگٸ جاھاندىق ەرٸپتەستەرٸنٸڭ بٸرٸ», - دەيدٸ مينيستر.
شارادا «قوس ارنا» ەتنوفولكلورلىق انسامبلٸ ۇلىبريتانييا جۇرتشىلىعىن ۇلتتىق ٶنەرمەن سۋسىنداتتى. جاس ٶنەرپازدار دومبىرا, قوبىز, سىبىزعى جەنە جەتٸگەندە ويناپ, جينالعانداردى ۇلى دالانىڭ مۋزىكالىق جاۋھارلارىمەن تانىستىردى.
ايدا جاحانبەك ۇلىبريتانيياداعى شەففيلد ۋنيۆەرسيتەتٸنٸڭ مۋزىكا فاكۋلتەتٸندە وقيدى, ال ونىڭ ٸنٸسٸ ازامات قۇرمانعازى اتىنداعى قازاق ۇلتتىق كونسەرۆاتوريياسى حالىق مۋزىكاسى فاكۋلتەتٸنٸڭ ستۋدەنتٸ. كەشتە ولار «شيلٸ ٶزەن» ەنٸن جەنە نۇرعيسا تٸلەنديەۆتٸڭ «اققۋ» كٷيٸن ناقىشىنا كەلتٸرٸپ ورىنداپ, زور قوشەمەتكە يە بولدى. سونىمەن قاتار ۇلتتىق اسپاپتاردىڭ سٷيەمەلدەۋٸمەن اعىلشىندارعا ەتەنە تانىس «تٶبەمنەن تامشىلاعان جاڭبىر» ەنٸن ايتىپ, كٶپشٸلٸكتٸ تاڭ-تاماشا ەتتٸ.
«بۇل شىعارمالاردى تاڭداعان سەبەبٸمٸز قازاق حالقىنىڭ ەربٸر اسپابىن جەكەشەلەپ كٶرسەتۋ جەنە دە قازاق اسپاپتارىمەن تەك قانا دەستٷرلٸ مۋزىكانى عانا ەمەس سوعان قوسا پوپ جانرىنداعى جەنە دجاز جانرىنداعى بٷكٸل ەندەردٸ ورىنداۋعا بولاتىندىعىن كٶرسەتكٸمٸز كەلدٸ», - دەيدٸ ازامات جاحانبەك.
«قوس ارنانى» تىڭداۋ ارقىلى مەن ٶتە ەرەكشە ەسەرگە بٶلەندٸم. ۇلتتىق اسپاپتاردىڭ داۋسى عاجاپ. دومبىرادان باسقالارىن بۇعان دەيٸن ەستٸمەگەن ەكەنمٸن. «اققۋ» كٷيٸن ورىنداعان كەزدە سول قۇستاردى كٶز الدىما ەلەستەتتٸم. ەسٸرەسە, اسپاپتاردىڭ كٷشٸمەن ولاردىڭ داۋسىن سالعان كەزدە عاجاپ سەزٸمگە بٶلەندٸم», - دەيدٸ بريتانييالىق دجيل براۋن.
قوناقتار وتاندىق سۋرەتشٸلەر مەن ديزاينەرلەردٸڭ ەڭبەكتەرٸ قويىلعان كٶرمەگە قاتىستى. اتاپ ايتقاندا ولاردىڭ نازارىنا بەلگٸلٸ سۋرەتشٸ ايعانا عاليدٸڭ ەڭبەكتەرٸ, سونداي-اق گلازگوداعى بۇۇ كليماتتىڭ ٶزگەرۋٸ جٶنٸندەگٸ حالىقارالىق كونفەرەنتسيياسىندا قويىلعان قازاقستان بالالارىنىڭ جاھاندىق جىلىنۋ تاقىرىبىنداعى سۋرەتتەرٸ ۇسىنىلدى.
كەش قوناقتارىن «Silk Road Fashion London» كومپانيياسىنىڭ قولداۋىمەن قازاقستاندىق ديزاينەر ايدانا وماروۆانىڭ «Omabelle» برەندٸنٸڭ ۇلتتىق كوستيۋمدەرٸن كيگەن مودەلدەر قارسى الىپ, شىعارىپ سالدى. سونىمەن قاتار ەسكٸ دەستٷر بويىنشا «سارقىت» رەتٸندە قازاقستان تۋرالى جازىلعان كٸتاپتار مەن اپورت الماسى سىيعا تارتىلدى.
