تەۋەلسٸزدٸكتٸڭ 30 جىلدىعىنا وراي «نۇر-سۇلتان – ورال» ۇلى مارافونى بٷگٸن ورالدا تۇڭعىش پرەزيدەنت الاڭىندا مەرەگە جەتتٸ, دەپ حابارلايدى قازاقپارات.
ەلوردادان 26 قاراشا كٷنٸ باستالعان مارافونعا قاتىسقان 15 تەجٸريبەلٸ جەلاياق كٶكشەتاۋ – پەتروپاۆل – قوستاناي – اقتٶبە ارقىلى جالپى ۇزىندىعى 2021 شاقىرىمدى سەگٸز كٷندە جٷگٸرٸپ ٶتتٸ.
مارافوننىڭ اياقتالۋىنا ارنالعان سالتاناتتى رەسٸمگە قاتىسقان بقو ەكٸمٸنٸڭ ورىنباسارى باقىتجان نارىمبەتوۆ ٶڭٸر باسشىسى مەن اق جايىق جۇرتشىلىعى اتىنان قاتىسۋشىلارعا ريزاشىلىعىن جەتكٸزدٸ.
«بٷگٸن - ورالدىقتار ٷشٸن ەرەكشە كٷن. 15 ۋلترامارافونشى كەشە بٸزدٸڭ وبلىس اۋماعىنا كٸرٸپ, جىمپيتى اۋىلىنان, مٸنە, ورالعا دەيٸن جەتٸپ وتىر. 2021 شاقىرىم جٷگٸرٸپ ٶتۋ, بىلاي قاراعاندا, قييال عاجايىپ ەڭگٸمە سەكٸلدٸ. مٸنە, وسىنى جەلاياقتارىمىز شىنايى ٶمٸرگە اينالدىرا بٸلدٸ. ەڭ باستىسى, ەلٸمٸز امان, جۇرتىمىز تىنىش بولسىن. تەۋەلسٸزدٸگٸمٸز تۇعىرلى بولسىن!», دەدٸ نارىمبەتوۆ.
ايتا كەتەيٸك, اتالمىش مارافوندى «استانا جەلاياعى» مارافونشىلار كلۋبى» قب «قازاقستان قۇرىلىسشىلار وداعى» رەسپۋبليكالىق زاڭدى تۇلعالار بٸرلەستٸگٸمەن بٸرٸگٸپ ۇيىمداستىردى.
مارافوننىڭ 469 شاقىرىمعا سوزىلعان ەڭ ۇزاق بٶلٸگٸ قوستاناي قالاسى مەن اقتٶبە وبلىسى ەيتەكە بي اۋدانى تەمٸربەك جٷرگەنوۆ اۋىلى اراسىندا بولدى. ال 148 شاقىرىمدىق ەڭ قىسقا قاشىقتىق بقو-نىڭ سىرىم اۋدانى ورتالىعى جىمپيتى اۋىلى مەن ورال قالاسى ارالىعى ەدٸ.
وسىلايشا مارافونشىلار ۇلى مەرتەبەلٸ تەۋەلسٸزدٸكتٸڭ 30 جىلدىعى اياسىندا وتانشىلدىق سەزٸمدٸ بايىتۋ, سالاۋاتتى ٶمٸر سالتىن ورنىقتىرۋ باعىتىنداعى ٶز ماقساتىنا جەتتٸ.
