19 شٸلدەدەن 20 قىركٷيەككە دەيٸن «تەۋەلسٸزدٸك ۇرپاقتارى» گرانتىنا ٶتٸنٸمدەر قابىلدانادى, دەپ حابارلايدى قازاقپارات.
بۇل تۋرالى قر اقپارات جەنە قوعامدىق دامۋ مينيسترلٸگٸ جاستار جەنە وتباسى ٸستەرٸ كوميتەتٸنٸڭ تٶراعاسى شاحماردان بايمانوۆ ورتالىق كوممۋنيكاتسييالار قىزمەتٸندە ايتىپ بەردٸ.
«تەۋەلسٸزدٸك رۋحىمەن ٶسٸپ كەلە جاتقان بٷگٸنگٸ تەۋەلسٸزدٸك ۇرپاقتارى – بٸزدٸڭ ەرتەڭگٸ ٷمٸتٸمٸز, سەنٸمدٸ تٸرەگٸمٸز. 30 جىلدىق تاريحى بار تەۋەلسٸز قازاقستاننىڭ مەملەكەتتٸك ساياساتىنىڭ نەگٸزگٸ باسىمدىعى دا - جاستاردى قولداۋ جەنە ادامي كاپيتالدى دامىتۋ بولىپ سانالادى. بٷگٸندە ەلٸمٸزدەگٸ تەۋەلسٸزدٸك ۇرپاقتارى 3,8 ملن نەمەسە ەل حالقىنىڭ 20%-ىن قۇرايدى», - دەدٸ ش. بايمانوۆ.
ەل پرەزيدەنتٸ ق.ك.توقاەۆ «تەۋەلسٸزدٸك بەرٸنەن قىمبات» ماقالاسىندا تەۋەلسٸزدٸك جىلدارى دٷنيەگە كەلگەن دارىندى جاستارعا ناقتى قولداۋ رەتٸندە «تەۋەلسٸزدٸك ۇرپاقتارى» اتتى گرانت تاعايىنداۋ قاجەتتٸگٸن اتاپ ٶتكەن.
وسىعان وراي, مينيسترلٸك 2021 جىلدىڭ 8 شٸلدەسٸندە ٷكٸمەت قاۋلىسىمەن «تەۋەلسٸزدٸك ۇرپاقتارى» گرانتىن تاعايىنداۋ بويىنشا ەرەجەلەرٸ مەن تۇجىرىمداماسىن بەكٸتتٸ.
«بيىل العاش رەت تەۋەلسٸزدٸكتٸڭ 30 جىلدىعىنا وراي, ٷزدٸك 30 جوباعا 3 ملن تەڭگەدەن «تەۋەلسٸزدٸك ۇرپاقتارى» اتتى گرانت بەرٸلەدٸ. ەلٸمٸزدٸڭ 14-29 جاس ارالىعىنداعى بارلىق ازاماتتارىنا ارنالعان گرانتتىڭ نەگٸزگٸ ماقساتى – بەلسەندٸ شىعارماشىل جاستاردىڭ جوبالارىن, باستامالارىن ٸسكە اسىرۋ, قولدا بار جوبالاردى دامىتۋ, عىلىمي جەنە قولدانبالى زەرتتەۋلەر جٷرگٸزۋ جەنە جاستاردى وقىتۋ ٷشٸن پايدالانۋعا بەرۋ بولادى», - دەيدٸ ش. بايمانوۆ.
ايتا كەتەيٸك, گرانتتار قر ازاماتتارىنا جاڭا يدەيالار مەن باستامالاردى ٸسكە اسىرۋ ٷشٸن كەلەسٸ باعىتتار بويىنشا كونكۋرستىق نەگٸزدە بەرٸلەدٸ:
«عىلىم» - عىلىمنىڭ باسىم سەكتورلارىندا جاڭا عىلىمي جوبالار مەن زەرتتەۋلەردٸ ٸسكە اسىرۋ ٷشٸن;
«مەدەنيەت» - قازاقستاننىڭ مەدەني مۇراسىن تانىمال ەتۋگە, حالىقتىق مەدەني دەستٷرلەر مەن ٶنەردٸ ٸلگەرٸلەتۋگە باعىتتالعان جوبالاردى ٸسكە اسىرۋ ٷشٸن;
«اقپاراتتىق تەحنولوگييالار» - جاڭا IT-شەشٸمدەر مەن جوبالاردى, ونىڭ ٸشٸندە باستاۋشى ستارتاپ-جوبالاردى ٸسكە اسىرۋ جەنە ەزٸرلەۋ ٷشٸن;
«بيزنەس» - ەكونوميكانىڭ باسىم سەكتورلارىندا جاڭا بيزنەس-يدەيالاردى ٸسكە اسىرۋ ٷشٸن;
«مەديا» - جاڭا مەديا-جوبالاردى, ونىڭ ٸشٸندە جاستار ٷشٸن تانىمدىق, پايدالى, قىزىقتى كونتەنتتٸ قۇرۋ جٶنٸندەگٸ جوبالاردى ٸسكە اسىرۋ ٷشٸن.
كونكۋرستىق ٶتٸنٸمدەر مەملەكەتتٸك نەمەسە ورىس تٸلدەرٸندە قابىلدانادى جەنە وندا تٶمەندەگٸ مەلٸمەت بولۋى قاجەت:
جوبانىڭ سيپاتتاماسى;
جوبانىڭ بەينەپرەزەنتاتسيياسى (60 سەكۋندتان كٶپ ەمەس);
شىعىندار سمەتاسىنىڭ جوباسى;
زيياتكەرلٸك مەنشٸك تۋرالى مەلٸمەتتەر (بار بولسا).
