مەملەكەت باسشىسى قاسىم-جومارت توقاەۆتىڭ اتىنا قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىنا وراي شەت مەملەكەتتەردٸڭ باسشىلارىنان جەنە حالىقارالىق ۇيىمداردىڭ جەتەكشٸلەرٸنەن قۇتتىقتاۋ حاتتارى مەن جەدەلحاتتار ەلٸ دە كەلٸپ جاتىر, دەپ حابارلايدى "ۇلت اقپارات" اقورداعا سٸلتەمە جاساپ.
تٷركييا پرەزيدەنتٸ رەجەپ تايىپ ەردوعان جەكە ٶزٸنٸڭ جەنە تٷرٸك حالقىنىڭ اتىنان شىنايى قۇتتىقتاۋىن جولدادى.
«تاريحي, مەدەني جەنە باۋىرلاستىق بايلانىستارىمىز ورتاق قازاقستانمەن اراداعى ستراتەگييالىق سەرٸكتەستٸگٸمٸزدٸڭ ەكٸجاقتى, ايماقتىق جەنە حالىقارالىق دەڭگەيدە تەرەڭدەپ, نىعايىپ كەلە جاتقانىنا قۋانىشتىمىن», – دەلٸنگەن جەدەلحاتتا.
ۋكراينا پرەزيدەنتٸ ۆلاديمير زەلەنسكيي قۇتتىقتاۋ حاتىندا قازاقستان تەۋەلسٸزدٸك جىلدارىندا ٶز پوزيتسيياسىن نىعايتىپ, حالىقارالىق ارەنادا لايىقتى ورىن العانىن جازعان.
«ەلدەرٸمٸزدٸڭ كٶپقىرلى جەنە ەكٸجاقتى ىنتىماقتاستىقتى ودان ەرٸ دامىتىپ, مەملەكەتتٸك ەگەمەندٸك پەن اۋماقتىق تۇتاستىقتى ٶزارا قولدايتىنىنا, قازاقستان ۋكراينانىڭ ورتالىق ازيياداعى سەنٸمدٸ سەرٸكتەسٸ بولىپ قالا بەرەتٸنٸنە سەنٸمدٸمٸن», – دەلٸنگەن ۋكراينا باسشىسىنىڭ جەدەلحاتىندا.
شۆەيتسارييا پرەزيدەنتٸ گي پارمەلان ٶزٸنٸڭ قۇتتىقتاۋىندا قاسىم-جومارت توقاەۆپەن جەنەۆادا جۋىردا ٶتكەن ەكٸجاقتى كەلٸسسٶزدەردٸ جوعارى باعالاعان.
«بٸزدٸڭ كەزدەسۋٸمٸز بەن قول قويىلعان كەلٸسٸمدەردٸڭ ەكٸجاقتى ىنتىماقتاستىعىمىزعا ايتارلىقتاي پايداسى تيەتٸنٸنە سەنٸمدٸمٸن. وسى مٷمكٸندٸكتٸ پايدالانا وتىرىپ, قارىم-قاتىناستارىمىزدى ودان ەرٸ دامىتۋعا شۆەيتسارييانىڭ بەيٸلدٸ ەكەنٸن ناقتىلايمىن», – دەلٸنگەن جەدەلحاتتا.
يتالييا پرەزيدەنتٸ سەردجو ماتتارەللا نۇر-سۇلتان مەن ريمدٸ ساياسي, ەكونوميكالىق, مەدەني بايلانىستار بٸرٸكتٸرەتٸنٸن جەنە بۇل قاتىناستاردىڭ بولاشاققا بٸرگە قادام باسۋعا, ەكٸجاقتى ٶزارا ٸس-قيمىلدى دامىتۋعا جول اشاتىنىن اتاپ ٶتكەن.
«ەلدەرٸمٸز اراسىنداعى, سونىڭ ٸشٸندە قازاقستان مەن ەۋروپالىق وداق اراسىنداعى ديالوگ اياسىندا قارقىندى ىنتىماقتاستىعىمىز ورتالىق ازيياداعى تۇراقتىلىق پەن ورنىقتى دامۋعا سەپتٸگٸن تيگٸزە بەرەتٸنٸنە سەنٸمدٸمٸن», – دەلٸنگەن يتالييا پرەزيدەنتٸنٸڭ قۇتتىقتاۋىندا.
ماجارستان پرەزيدەنتٸ يانوش ادەر قازاقستاننىڭ وتىز جىل ٸشٸندە كٶپتەگەن سالا بويىنشا ايتارلىقتاي جەتٸستٸكتەرگە قول جەتكٸزگەنٸن جەنە بٷگٸندە ورتالىق ازييا ايماعىندا ماڭىزدى رٶل اتقارىپ وتىرعانىن اتاپ ٶتكەن.
«ماجارستان ەكٸ ەل اراسىنداعى دوستىق قاتىناستاردى نىعايتۋعا بەيٸلدٸ. ستراتەگييالىق سەرٸكتەستٸگٸمٸز بۇعان نەگٸز بولادى. سونىمەن قاتار تٷركٸ مەملەكەتتەرٸ ۇيىمى اياسىنداعى ىنتىماقتاستىعىمىز ٶزارا تىعىز بايلانىستارىمىزدى ودان ەرٸ نىعايتۋعا جول اشادى», – دەلٸنگەن يانوش ادەردٸڭ جەدەلحاتىندا.
الجير پرەزيدەنتٸ ەبدەلمادجيد تەببۋن ٶزٸنٸڭ قۇتتىقتاۋ حاتىندا ەلٸمٸزدە ديپلوماتييالىق ٶكٸلدٸك اشۋ جەنە قازاقستان استاناسىندا العاشقى الجير ەلشٸسٸن تاعايىنداۋ جٶنٸندە باستاما كٶتەرگەن.
كانادانىڭ گەنەرال گۋبەرناتورى مەري سايمون قاسىم-جومارت توقاەۆتى جەنە قازاقستان حالقىن ەل تەۋەلسٸزدٸگٸنٸڭ 30 جىلدىعىمەن قۇتتىقتاپ, قازاقستاننىڭ ەلەۋمەتتٸك-ەكونوميكالىق ەل-اۋقاتىن جاقسارتۋعا, مەملەكەتتٸك باسقارۋ ٸسٸ مەن زاڭ ٷستەمدٸگٸن نىعايتۋعا باعىتتالعان پرەزيدەنتتٸڭ اۋقىمدى رەفورمالارىن جوعارى باعالاعان.
سونىمەن قاتار يگٸ تٸلەككە تولى قۇتتىقتاۋ جەدەلحاتتارىن ريم پاپاسى فرانتسيسك, ۇلىبريتانييا حانشايىمى ٸٸ ەليزاۆەتا, جاپونييا يمپەراتورى نارۋحيتو, بەلگييا كورولٸ فيليپپ, نيدەرلاند كورولٸ ۆيللەم-الەكساندر, شۆەتسييا كورولٸ كارل XVI گۋستاۆ, سەربييا پرەزيدەنتٸ الەكساندر ۆۋچيچ, گرەكييا پرەزيدەنتٸ كاتەرينا ساكەللاروپۋلۋ, ليتۆا پرەزيدەنتٸ گيتاناس ناۋسەدا, بولگارييا پرەزيدەنتٸ رۋمەن رادەۆ, حورۆاتييا پرەزيدەنتٸ زوران ميلانوۆيچ, سولتٷستٸك ماكەدونييا پرەزيدەنتٸ ستەۆو پەنداروۆسكي, ەفيوپييا پرەزيدەنتٸ ساحلە-ۆورك زەۆدە, تٷركٸ مەملەكەتتەرٸ ۇيىمىنىڭ باس حاتشىسى باعدات ەمٸرەەۆ, يۋنەسكو-نىڭ باس ديرەكتورى ودرە ازۋلە جەنە باسقالار جولداعان.
قۇتتىقتاۋ جەدەلحاتتارى ەلٸ دە كەلٸپ جاتىر.
