تەۋەلسٸزدٸك كٷنٸ قارساڭىندا تٷركٸستان قالاسىندا 600 ورىندىق جاڭا مەكتەپ اشىلدى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
جاڭا بٸلٸم ۇياسى مەملەكەتتٸك-جەكەشەلٸك ەرٸپتەستٸك اياسىندا بوي كٶتەرگەن. جاڭا مەكتەپتٸڭ اشىلۋ رەسٸمٸنە تٷركٸستان قالاسىنىڭ ەكٸمٸ نۇربول تۇراشبەكوۆ قاتىسىپ, اتا-انالار مەن وقۋشىلارعا ٸزگٸ تٸلەگٸن جەتكٸزدٸ.
«ەل پرەزيدەنتٸ قاسىم-جومارت توقاەۆتىڭ جارلىعىمەن بەكٸتٸلگەن 10 ۇلتتىق جوباسىندا بٸلٸم بەرۋ باعىتىنا باسا نازار اۋدارىلعان. مۇنىڭ بارلىعى تەۋەلسٸزدٸكتٸڭ تٸرەگٸ — جاس بۋىننىڭ ساپالى بٸلٸم الۋى ٷشٸن جاسالعان جاعدايلار. ٶيتكەنٸ, ساپالى بٸلٸم عانا سانالى ۇرپاقتىڭ قالىپتاسۋىنا ىقپال ەتەدٸ», دەدٸ قالا ەكٸمٸ نۇربول تۇراشبەكوۆ.
«ارمان – M School» مەكتەبٸندە جايلى سىنىپتار مەن اسحانا, سپورت زالى, مەجٸلٸس زالى, مەديتسينا بٶلمەسٸ سيياقتى ماڭىزدى بٶلمەلەرمەن قامتاماسىز ەتٸلگەن. سونىمەن قوسا, جەكە پەندەرگە ارنالعان ارنايى كابينەتتەر دە قاراستىرىلعان. ەندٸ «بٸرلٸك» مٶلتەك اۋدانىندا ورنالاسقان ە.يززاتۋللاەۆ اتىنداعى جالپى ورتا مەكتەبٸندە ٷش اۋىسىمدا بٸلٸم الىپ كەلگەن 1700-دەن استام وقۋشىنىڭ 650-ٸ جاڭا مەكتەپتە وقيتىن بولادى.
جالپى وبلىس ورتالىعىنداعى 34 مەملەكەتتٸك, 27 جەكەمەنشٸك مەكتەپتە 50 مىڭنان استام وقۋشى بٸلٸم الىپ, 5 مىڭعا تارتا پەداگوگ جۇمىس ٸستەيدٸ.
الداعى ۋاقىتتا قالا اۋماعىندا 11 مەكتەپتٸڭ قۇرىلىسى جوسپارلانۋدا: 2 مەكتەپ رەسپۋبليكالىق بيۋدجەت ەسەبٸنەن, 9 مەكتەپ «جايلى مەكتەپ» ۇلتتىق جوباسى اياسىندا بوي كٶتەرەدٸ.
