استانالىق مەتسەنات, ديزاينەر مانسۋرا جەكەن بيزنەسمەندەردٸ تەۋەلسٸزدٸك 30 جىلدىعى قارساڭىندا قايىرىمدى ٸستەرگە كٶبٸرەك اتسالىسۋعا ٷندەدٸ, دەپ حابارلايدى قازاقپارات.
«نۇر-سۇلتان قالاسىندا مەتسەنات دەگەن اتقا ساي تۇرعىندار كٶپ ەكەنٸنە سەنٸمدٸمٸن. «رۋحاني جاڭعىرۋ» باعدارلاماسىنىڭ اياسىندا «قايىرىمدى ٸستەر مارافونى» جەنە «30 قايىرىمدى ٸس» اتتى اكتسييالار ٶتٸپ جاتقانىن بٸلەسٸزدەر. مەن دە سول اكتسييالارعا قاتىسىپ جٷرمٸن. سىيلىقتىڭ ەڭ جاقسىسى ٶز قولىڭمەن ٸستەگەن» دەگەندەي, قۋانىشباەۆ اتىنداعى قازاق دراما تەاترىنا ٶز قولىمنان شىققان كەسكٸندەمەلٸك پانو سىيلاعان بولاتىنمىن. بۇل موزايكادا قازاق جٸگٸتتەرٸنٸڭ ٶر رۋحى ەسپەتتەلگەن. نارىقتاعى قۇنى – 35 ملن تەڭگە», - دەدٸ مەتسەنات قالالىق ەكٸمدٸك ٶتكٸزگەن ونلاين بريفينگٸدە.
ديزاينەر جاقىن ادامعا جەردەمدەسۋ قازاق حالقىنىڭ قانىندا بار قاسيەت ەكەنٸن ايتىپ, ەرٸپتەستەرٸن, كٷن سايىن يگٸ ٸستەرگە مۇرىندىق بولۋعا شاقىردى.
«قايىرىمدى ٸستەر مارافونى» اياسىندا ەلەۋمەتتٸك جوبالارمەن اينالىساتىن ٷكٸمەتتٸك ەمەس ۇيىمدارعا ٶزٸم كەسكٸندەگەن 7 ەسٸكتٸ سىيعا تاراتتىم. ولاردىڭ جالپى قۇنى – 4 ملن تەڭگە. سونىمەن بٸرگە مەن اۆتوۆولونتەر رەتٸندە دە «رۋحاني جاڭعىرۋ» جوبالىق كەڭسەسٸنٸڭ جۇمىستارىنا اتسالىسامىن. پاندەمييا كەزٸندە مۇقتاج وتباسىلارعا ازىق-تٷلٸك پەن تۇرمىسقا قاجەتتٸ زاتتار جەتكٸزٸپ بەردٸك. بارشا وتانداستارىمىزدى, بيزنەسمەن ەرٸپتەستەرٸمدٸ قايىرىمدى ٸستەر اكتسييا اياسىندا عانا ەمەس, كٷن سايىن جاساۋعا ٷندەگٸم كەلەدٸ. جاقىنعا جەرلەمدەسۋ – بٸزدٸڭ قانىمىزدا بار قاسيەت. سوندىقتان ٶزٸمٸزدٸڭ كٸم ەكەنٸمٸزدٸ ۇمىتپاي, اينالامىزعا كٶمەكتەسە جٷرەيٸك», - دەدٸ مانسۋرا جەكەن.
