«تەۋەلسٸز قازاقستان» پويىزى ەسٸل اۋدانىنا جەتتٸ

«ەسٸلدٸڭ بويى ەن جايلاۋ, جاعالاي قونعان ەل قانداي» دەمەكشٸ, 36 ۇلتتىڭ ىنتىماعىن ۇيىستىرىپ وتىرعان ەسٸل اۋدانىنىڭ 2550 تۇرعىنى ەلٸمٸزدٸڭ باستى مەرەكەسٸن ايتۋلى تابىستارمەن قارسى العانى قۋانىشتى.

تاريحىمىزعا «تىڭ قاقپاسى» رە­تٸن­دە جازىلعان ٶڭٸردە 8000 شارشى كي­لومەتر ەگٸستٸك القاپ بار. بيىلعى ال­تىن دەن كەرۋەندەرٸ سالماقتى بولىپ, قى­زىل قىرمان بەرەكەسٸن بەلدەۋدەن تٶكتٸ. ٶڭٸر­دٸڭ پەيزاجدىق پوناراماسىن ەرلەپ تۇرعان ەڭسەلٸ ەلەۆاتورلاردا ەسەلٸ ەڭبەك قىزعان شاق. ٷستٸمٸزدەگٸ جىلى «التىن دەن», «قازبرەند» جشس تاعى دا ەكٸ استىق قويماسىن قاتارعا قوسۋى   جەرگٸلٸكتٸ ديقانداردىڭ بەرەكە جولىنىڭ بيٸكتٸگٸن كٶرسەتەدٸ.

مالشىلار قاۋىمى دا ەكپٸندٸ ٸستٸڭ جەتەگٸندە. ولار مەملەكەتتٸك قولداۋدىڭ كەڭ جٷيەسٸن پايدالانۋعا ىنتالى. مە­سەلەن, «سىباعا», «قۇلان», «التىن اسىق» باع­دارلاماسىمەن بيىل 310 ميلليون تەڭ­گەگە 400 باس ٸرٸ قارا ساتىپ الىنىپتى. ال قۇرىلىس جۇمىستارىنىڭ اۋقىمى 2014 جىلعى كٶرسەتكٸشتەن 1,5 ەسە اسىپ تٷسسە, ٶنەركەسٸپ سالاسىنىڭ 86,3 پايىزى قايتا ٶڭدەۋ كەسٸپورىندارىنىڭ ەنشٸسٸندە ەكەن.

«تەۋەلسٸزدٸك پويىزىن» جاقسى­لىق­­­­تار مەن جەتٸستٸكتەر سيمۆولى دەپ با­­عا­لايتىن ەسٸلدٸكتەردٸڭ دەلەگاتسييا قۇرا­مىمەن ابىرويمەن قاۋىشۋىنىڭ سىرى وسىن­دا دەپ بٸلەمٸز. قالايى كٸلەم, قىر­مىزى گٷل شوقتارىمەن, نان-تۇز, شا­شۋمەن قار­سى الىنعان قوناقتارعا اۋدان ەكٸمٸ امانبەك قالجانوۆ «حوش كەل­دٸ­ڭٸزدەر» تٸ­لە­گٸن ايت­تى. اۋدان ارداگەرلەرٸ, ٶندٸرٸس جە­تەك­شٸلەرٸ, جاستار ۇيىمدارىنىڭ بەلسەندٸلەرٸ كٶك تۋىمىزدى اسقاق جەلبٸرەتۋدە. اناداي جەردە بالالار ٷيٸنٸڭ ايماققا اتى مەلٸم ٷر­لەمەلٸ اسپاپتار وركەسترٸ قۇرمەت قاناتىن قالىقتاتىپ تۇر.

جارتى ايعا جۋىق ەل ارالاپ, جۇرت­شى­لىق­قا جاقسى تانىس بولىپ قالعان پويىز شتابىنىڭ باسشىسى ەمٸرجان ەلپەيٸسوۆ ۆوكزال الاڭىن جاڭعىرتىپ, تەۋەلسٸزدٸك تولعامىن تٶگٸلتتٸ. سٶزٸن «بٸزگە جٷكتەلگەن جاۋاپكەرشٸلٸك مول» دەپ اياقتاعان رەسمي قوناق «جۇمىسقا كٸرٸسەيٸكتٸ» اڭعارتتى. شىنىندا, ارقا­نىڭ شىڭىلتىر ايازىنا قاراماستان, جۇ­مىس قاۋىرت جٷرگٸزٸلدٸ. بٸرٸنشٸ توپ­تاعى 21 مامان اۋداندىق ورتا­لىق اۋرۋحانادا, بالالار مەن ەيەلدەر كە­ڭەسٸ ورتالىعىندا جەنە ەمحانالاردا كٷنٸ بويى 200-دەن استام ادامدى قابىلداپ, كٶڭٸلدەگٸ كٷپتٸ ويلارىن سەيٸلتە بٸلدٸ.

«نۇر وتان» پارتيياسى اۋداندىق فيليالىنىڭ عيماراتىندا پويىز مٷشە­لە­رٸ­مەن قاتار, جەرگٸلٸكتٸ قوعامدىق كەلٸسٸم كەڭە­سٸنٸڭ ٶكٸلدەرٸ جۇرتشىلىقتى جەكە مەسەلەلەرٸ بويىنشا قابىلدادى. بۇل شاراعا اۋدان ەكٸمٸ ا.قالجانوۆ, اپپارات بٶلٸمدەرٸنٸڭ باسشىلارى قاتىسۋى انىق اقپارات الۋعا جەنە مەسەلەنٸڭ جەدەل قارالۋىنا ىقپال ەتتٸ. قابىلداۋعا كەلگەن 8 كٸسٸنٸڭ بارلىعى دا جاۋاپتارعا قاناعاتتانعاندىق بٸلدٸرسە, ەكٸ ادامنىڭ تۇرعىن ٷي-كوممۋنالدىق جاعدايدى جاق­سارتۋعا قاتىستى تٸلەگٸ قولما-قول شەشٸلدٸ.

دەنساۋلىق ساقتاۋ جەنە ەلەۋمەتتٸك دامۋ مينيسترلٸگٸنٸڭ ماماندارىنا جٷگٸ­نۋ­­شٸلەر نەگٸزٸنەن زەينەتاقى تاعايىن­داۋ, ەلەۋمەتتٸك كٶمەكتٸڭ سيپاتى تۋرالى سۇ­راق­تار قويدى. قابىلداۋعا جازىلعان 16 ادامعا تيٸستٸ كەڭەستەر بەرٸلٸپ, ارنايى دا­يىن­دالعان اقپاراتتىق كٸتاپ­شالار تاراتىلدى. قۇقىقتىق مەسەلەلەر بويىن­شا التى ادامنىڭ سۇراعى قاناعات­تاندىرىلسا, بيزنەس ٶكٸلدەرٸنٸڭ, اۋىل شارۋا­لارىنىڭ مٷددەسٸ مەن قۇقىقتارىن قورعاۋ جٶنٸندە 50 كٸسٸگە جان-جاقتى كەڭەستەر بەرٸلدٸ.

تٷستەن كەيٸن بٸلٸم جەنە عىلىم مي­­نيستر­لٸگٸنٸڭ, قازاقستان حالقى اسسام­ب­لەياسىنىڭ ٶكٸلدەرٸ اۋداننىڭ پەداگوگتىق ۇجىمى­مەن, مەكتەپ تٷلەكتەرٸمەن جەنە جال­پى جۇرتشىلىقپەن كەڭەيتٸلگەن مەجٸ­لٸس قۇردى. رەسپۋبليكالىق اسسام­ب­­­-
لەيا اتىنان اۋداندىق كٸتاپحاناعا ەر­ تٷرلٸ تاقىرىپتاعى باسپا ٶنٸمدەرٸ سىيعا تارتىلدى.

ەسٸل بالالار ٷيٸندەگٸ كەزدەسۋ ەسەر­لٸ­لٸ­گٸمەن ەستە قالدى. قوعام قايراتكەرٸ ارىس­تان جۇماعالي تەربيەلەنۋشٸلەر قولى­مەن جا­سا­لعان بۇيىمداردى اينا­لىم­عا شىعا­رۋ ٷشٸن ينتەرنەت-دٷكەن اشۋ تۋ­رالى ۇسى­نىس جاسادى. استانادان كەلگەن قو­ناق­ بالالاردىڭ جەكە قارجىلاي سالى­­مىن تولىقتىرۋ ٷشٸن 15 000 تەگەنٸ الەكساندر فەلەحيننٸڭ «تۇرعىن ٷي جيناق بانكٸندەگٸ» ەسەبٸنە اۋداردى.

شاعىن قالاداعى №7 اگروتەح­ني­­­كا­لىق كول­لەدجدە 260 ادام قا­تىس­قان­ كەزدەسۋ بول­دى. شارا باع­دار­­لا­ما­سى شەڭبەرٸندە «تەۋەلسٸز قا­زاق­­­­س­تان» پويىزىنىڭ مٷشە­لە­رٸ ەل دا­مۋى­­­­نىڭ 25 جىلدىعىنداعى ٸرگە­لٸ ٶز­گەرٸس­تەر, ٸشكٸ-سىرتقى ساياسات, ەل­با­­سى­­­نىڭ «مەڭگٸلٸك ەل» جوباسى تۋ­را­لى تار­تىم­دى ەڭگٸمە قوزعالىپ, ستۋ­دەنت­­تەردٸڭ شىعارماشىلىق ەڭبەك­تە­رٸ ساراپقا سالىندى. قوناق­تار كول­لەدج­­دٸڭ ماتەريالدىق-تەح­ني­كا­لىق جاب­­دىقتالۋىمەن تانىسىپ, كٶركەم­ٶنەر­پازدار كونتسەرتٸن تاماشالادى.

مەملەكەتتٸك «بالاپان» باعدار­لا­ما­سى­مەن پايدالانۋعا بەرٸلگەن «بولاشاق» با­لالار باقشاسىنداعى, «100 مەكتەپ, 100 اۋرۋ­حانا» باعدارلاماسىمەن سالىن­عان №3 ورتا مەكتەبٸندەگٸ, «نۇرلى جول» باع­­د­ار­لاماسىمەن سالىنىپ جاتقان قازان­دىق كەشەنٸنٸڭ قۇرىلىسىنداعى يگٸ ٸستەر دە تەۋەل­سٸزدٸك مەرەكەسٸ ٶكٸلدەرٸنٸڭ نازا­رى­نان تىس قالمادى.

كەشكٸسٸن مەدەنيەت سارايىندا قو­ناق­­تار­عا ارناپ مەرەكەلٸك كونتسەرت قويىلدى.

ەسٸلدٸكتەر «تەۋەلسٸز قازاقستان» پو­ي­­ىز­ىن ارقالىق قالاسىنا سەن-سال­تا­نات­پەن شىعارىپ سالدى.

باقبەرگەن امالبەك,

«ەگەمەن قازاقستان»

اقمولا وبلىسى,

ەسٸل اۋدانى