14 شٸلدە كٷنٸ تاۋدا جوعالىپ كەتكەن 7 جاسار ەرنۇر سەدۋاقاس ەلٸ تابىلعان جوق. قۇتقارۋشىلار بالانى قىرعىزستان شەكاراسىنا دەيٸنگٸ اۋماقتان ٸزدەستٸرٸپ جاتىر, دەپ حابارلايدى قازاقپارات تٸلشٸسٸ.
«ەزٸرگە نەتيجە جوق. بٷگٸن قۇتقارۋشىلار ەكٸ باعىتقا بٶلٸندٸ. بالانى ٸزدەۋ ايماعى 25 شاقىرىمعا كەڭەيەدٸ. قۇتقارۋشى توپتىڭ بٸرەۋٸ باتىسقا قاراي, ەكٸنشٸسٸ شىعىس جاق اۋماقتى ٸزدەيدٸ. سونداي-اق, ٸزدەۋ شارالارىنا وبلىس ەكٸمدٸگٸنٸڭ ٶكٸلدەرٸ مەن 2 دەپۋتات قوسىلدى. 15 ادام اتقا قونىپ, 40 پوليتسەي, ەكٸمدٸكتٸڭ 6 قىزمەتكەرٸ بەلگٸلەنگەن ايماقتا سىزبا بويىنشا ٸزدەۋ جۇمىستارىن جٷرگٸزەدٸ. يٸس سەزگٸش يتتەردٸ جەتەكتەگەن توپ جىرا, شاتقالداردى ارالاۋدا. قۇتقارۋشى توپتىڭ بٸر بٶلٸگٸ قىرعىزستان شەكاراسىنا دەيٸن سوزىلعان اۋماقتى تەكسەرۋگە شىقتى», - دەدٸ الماتى وبلىسى ٸٸد باسپاسٶز قىزمەتٸنٸڭ باسشىسى سەرگەي نەزناەۆ.
ەسكە سالا كەتسەك, الماتى وبلىسىنىڭ جامبىل اۋدانىندا جوعالىپ كەتكەن بالانى قۇتقارۋشىلار 14 شٸلدەدەن بەرٸ ٸزدەستٸرۋدە.
2011 جىلى تۋعان ەرنۇر سەدۋاقاس ىنتىماق اۋىلىنان وڭتٷستٸك قاپتالداعى «كٸشٸ ساز» جايىلىمىنا بارا جاتقان جولدا تاۋلى اۋماقتا جوعالعان.
7 جاستاعى ەرنۇرمەن بٸرگە ٷلكەندٸ-كٸشٸلٸ 5 بالا جولعا شىققان. قازٸر بالالاردىڭ بارلىعى اۋىلدا. تەك ەرنۇر عانا ورالمادى.
