«قازمۇنايگاز» جەنە «تاتنەفت» ٶزارا تٷسٸنٸستٸك تۋرالى مەموراندۋمدى بەكٸتتٸ, دەپ حابارلايدى "ۇلت اقپارات".
ايتا كەتەيٸك, «قازمۇنايگاز» ۇك اق باسقارما تٶراعاسى اليك ايدارباەۆ پەن قمگ دەلەگاتسيياسى تاتارستاننىڭ قازان قالاسىنا جۇمىس ساپارىمەن باردى.
«شٸلدەنٸڭ 10-ى كٷنٸ «ساۋدا-ەكونوميكالىق, عىلىمي-تەحنيكالىق جەنە مەدەني ىنتىماقتاستىقتىڭ قاعيداتتارى تۋرالى» ٷكٸمەتارالىق كەلٸسٸمنٸڭ اياسىندا «سامۇرىق-قازىنا» اق باسقارما تٶراعاسى احمەتجان ەسٸموۆ پەن قمگ باسشىسى اليك ايدارباەۆ تاتارستان رەسپۋبليكاسىنىڭ پرەزيدەنتٸ رۋستام ميننيحانوۆپەن كەزدەستٸ. كەزدەسۋ بارىسىندا تاراپتار مۇناي-گاز سالاسىندا ىنتىماقتاستىقتىڭ جاڭا كەزەڭٸن باستاۋعا ىنتا بٸلدٸردٸ. اتاپ ايتقاندا, گەولوگييالىق بارلاۋ جۇمىستارى, مۇناي جەنە گاز حيميياسى, تەحنيكالىق ىنتىماقتاستىق جەنە تسيفرلاندىرۋ مەسەلەلەرٸ بويىنشا تاتارستان رەسپۋبليكاسىنىڭ كەسٸپورىندارى مەن قمگ اراسىنداعى ٶزارا ٸس-قيمىل مٷمكٸندٸكتەرٸ تالقىلاندى», - دەلٸنگەن قمگ باسپاسٶز قىزمەتٸ مەلٸمەتٸندە.
سول كٷنٸ «قازمۇنايگاز» ۇك اق جەنە «تاتنەفت» جاق اراسىندا ٶزارا تٷسٸنٸستٸك تۋرالى مەموراندۋمعا قول قويىلدى. قۇجاتتا قازاقستان مەن رەسەي اۋماعىندا گەولوگييالىق زەرتتەۋ جەنە بٸرلەسكەن گەولوگييالىق بارلاۋ جۇمىستارىن جٷرگٸزۋ; مۇناي ٶندٸرۋدٸڭ جاڭا تەحنولوگييالارىن ەنگٸزۋ جەنە ٶندٸرٸستٸ تسيفرلاندىرۋ بويىنشا تەجٸريبە الماسۋ سالاسىنداعى ىنتىماقتاستىقتىڭ بولجامدى باعىتتارى ايقىندالعان.
قمگ باسشىسى اليك ايدارباەۆ تاتنەفت جەنە قازمۇنايگاز كومپانييالارىن تەحنيكالىق اقپاراتپەن الماسۋ جەنە ماماندار وقىتۋ سالاسىندا ۇزاق جىلعى بەرٸك قارىم-قاتىناستار بايلانىستىراتىنىن اتاپ ايتتى. «مەموراندۋمعا قول قويۋ ارقىلى بٸز بٸرلەسكەن داڭعىل جولدىڭ جاڭا كەزەڭٸنە جول اشاتىنىمىزعا سەنٸمدٸمٸن. مۇناي-گازى بار كاسپيي ماڭى ويپاتىن يگەرۋ مەسەلەسٸ ٸرٸ حالىقارالىق مۇناي كومپانييالارى ٷشٸن ٷلكەن قىزىعۋشىلىق تۋدىرىپ وتىر تاتارستاننىڭ كومپانييالارى وسى پروتسەسكە بەلسەندٸ قاتىسا الادى», - دەدٸ ول.
تاراپتار قازان قالاسىنداعى كەزدەسۋ مۇناي-گاز سالاسىنىڭ قازٸرگٸ سىن-تەگەۋٸرٸندەرٸن تالقىلاۋعا ارنالعان الاڭ عانا ەمەس, سونداي-اق ىنتىماقتاستىقتىڭ جاڭا ەرٸ ٶزارا تيٸمدٸ باعىتتارىن انىقتاۋدىڭ كەرەمەت مٷمكٸندٸگٸ ەكەنٸن اتاپ ٶتتٸ.
