قازاقستان رەسپۋبليكاسىنىڭ تٶتەنشە جەنە ٶكٸلەتتٸ ەلشٸسٸ يمانعالي تاسماعامبەتوۆ رەسەي ەلٸندەگٸ گەرمانييا فەدەراتيۆتٸ رەسپۋبليكاسىنىڭ ۇيىمداستىرۋىمەن ەكونوميكالىق باعىتتا ٶربٸگەن "ەۋروپالىق كەڭەس – ەۋرازييالىق ەكونوميكالىق وداق" اتتى پٸكٸرتالاس الاڭىنا قاتىستى.
وسى جيىندا سٶز سٶيلەگەن ەلشٸ مىرزا "ەۋرازييالىق ەكونوميكالىق وداقتىڭ نەگٸزٸ قالانىپ, ونىڭ ەرٸ قارقىن الۋى ەڭ الدىمەن قازاقستان پرەزيدەنتٸ نۇرسۇلتان نازارباەۆتىڭ ارقاسىندا بولعانىن" ەرەكشە اتاپ ٶتتٸ.
"ەۋروپالىق وداق قالىپتاسقان ٷردٸس بويىنشا ەۋرازييالىق ەكونوميكالىق وداقتىڭ ساۋدا-ساتتىق سالاسى بويىنشا نەگٸزگٸ سەرٸكتەسٸنە اينالعان. ەەو ەلدەرٸ ەۋروپالىق وداقتىڭ سىرتقى ساۋدا كٶلەمٸ بويىنشا 50 %-دان جوعارى ٷلەسٸن يەلەنۋدە", – دەدٸ يمانعالي تاسماعامبەتوۆ.
تەحنولوگييالاردىڭ بەلەڭ الىپ, تاۋارلاردىڭ نارىققا تٷسپەي جاتىپ كٶنەرەتٸن زامانىندا قالىپتاسقان جٷيە بويىنشا جۇمىس تٷزۋ مٷمكٸن ەمەس. سول سەبەپتٸ تاۋارلاردى جەتكٸزۋ كەزٸندە ونىڭ ٶزٸندٸك قۇنىنا قاراعاندا تاسىمالىنا كەتەتٸن ۋاقىت شىعىنىن ەسەپتەۋ ەلدەقايدا ماڭىزدى.
وسى رەتتە, ەۋروپا مەن ازييانى قوساتىن, شٶلدٸ دالامەن ٶتەتٸن ترانسەۋرازييالىق جولدىڭ سۋ قاتىناسىنان ارتىق ەكەنٸن ەلشٸ قاداپ ايتتى.
"قازاقستان بۇعان تولىعىمەن ەزٸر. ەلٸمٸزدە مەملەكەتتٸك باعدارلاما تٷگەلٸمەن جٷزەگە اسىپ وتىر. 26 جىلدىڭ ارالىعىندا 10 مىڭ شاقىرىم جول جاڭارتىلىپ, جٶندەلدٸ. جۋىردا 8000 شاقىرىم اۆتوجول قولدانىسقا بەرٸلەدٸ. مۇنىمەن قاتار, 2,5 مىڭ شاقىرىم تەمٸر جول ٸسكە قوسىلدى", – دەدٸ يمانعالي تاسماعامبەتوۆ.
پٸكٸر تالاس الاڭىندا "ەۋرازييالىق ەكونوميكالىق وداق – ساۋدا ساتتىق ساياساتىنىڭ ۇستانىمى" اتتى ساراپتامالىق جۇمىس كٶپشٸلٸك نازارىنا ۇسىنىلدى. وندا كٶپتەگەن قاجەتتٸ اقپارات مەن مەلٸمەتتەر جيىنتىعى بەرٸلگەن.
.jpeg)