قر پرەمەر-مينيسترٸنٸڭ ورىنباسارى يمانعالي تاسماعامبەتوۆتٸڭ تٶراعالىعىمەن «ەكسپو-2017» حالىقارالىق مامانداندىرىلعان كٶرمەسٸ اياسىندا مەدەني باعدارلامانى ساپالى دايىنداۋ جەنە ٶتكٸزۋ مەسەلەلەرٸ جٶنٸندە كەڭەس ٶتتٸ. بۇل تۋرالى قر پرەمەر-مينيسترٸ ورىنباسارىنىڭ سەكرەتارياتى حابارلايدى.
وسىدان بۇرىن بەرٸلگەن تاپسىرماعا سەيكەس, مەدەنيەت جەنە سپورت مينيسترلٸگٸ, استانا قالاسىنىڭ ەكٸمدٸگٸ جەنە «استانا ەكسپو-2017» ۇك» اق بٸرلەسٸپ كٶرمە ٶتەتٸن كەزەڭدەگٸ مەدەني باعدارلامانى جوعارى دەڭگەيدە ۇيىمداستىرۋ مەسەلەلەرٸ جٶنٸندەگٸ ٷيلەسٸمدٸ جۇمىستى كٷشەيتتٸ. سونىمەن قاتار, دەلەگاتتار مەن قوناقتاردىڭ كەلۋٸ بويىنشا ۇيىمداستىرۋشىلىق سۇراقتار جٸتٸ باقىلاۋعا الىندى.
وسىعان وراي, كەڭەس بارىسىندا ۆيتسە-پرەمەر استانا قالاسىنىڭ ەكٸمدٸگٸ ەلوردانىڭ ينجەنەرلٸك-كٶلٸكتٸك ينفراقۇرىلىمىن ەگجەي-تەگجەيلٸ زەردەلەۋ قاجەت ەكەنٸنە توقتالدى. تارقاتىپ ايتساق, جولداعى جٷكتەمەنٸ ازايتۋ ماقساتىندا كٶلٸك اعىمىن مودەلدەۋ بويىنشا قولايلى نۇسقالاردى ەسەپتەۋ, قوناقتاردىڭ كەلۋٸ جەنە ولاردىڭ قاۋٸپسٸز ورنالاسۋى بويىنشا ۇيىمداستىرۋشىلىق سۇراقتاردى پىسىقتاۋ, قوناق ٷي جەنە باسقا دا مٸندەتتەرگە جۇمىلۋى ٷشٸن ٶتەتٸن شارالاردى بارىنشا قىسقارتۋعا باسىمدىق بەردٸ. سونداي-اق, قازاقستاننىڭ مەدەنيەت پەن سپورتتاعى جەتٸستٸكتەرٸن تانىتۋ ماقساتىندا شەتەلدٸك جوبالاردى ازايتۋ جەنە ۇلتتىق برەندتٸ ناسيحاتتاۋ قاجەتتٸگٸ ايتىلدى.
«ەڭ ماڭىزدىسى, بٸز مٸندەتتٸ تٷردە تۇرعىنداردىڭ ەلەۋمەتتٸك از قامتىلعان توبىنا تەگٸن بيلەت تاراتۋ مەسەلەسٸن پىسىقتاۋىمىز قاجەت. ولار وسىناۋ اۋقىمدى شاراعا دايىندالعان كٶلەمدٸ ەرٸ قىزىقتى رەپەرتۋاردى تٸكەلەي ٶزدەرٸ تاماشالاپ, كٶرۋ مٷمكٸندٸگٸنە يە بولۋى تيٸس. مٸنە, وسى سۇراقتى ەرەكشە باقىلاۋعا الۋىمىز شارت. ەسٸرەسە, بۇل قالانىڭ جەنە مەدەنيەت مينيسترلٸگٸنٸڭ اياسىندا ٶتەتٸن شارالاردا ەسكەرٸلۋٸ كەرەك», — دەدٸ قر پرەمەر-مينيسترٸنٸڭ ورىنباسارى يمانعالي تاسماعامبەتوۆ.
بٷگٸنگٸ تاڭدا قر مەدەنيەت جەنە سپورت مينيسترلٸگٸ استانا قالاسى ەكٸمدٸگٸمەن جەنە «استانا ەكسپو-2017» ۇك» اكتسيونەرلٸك قوعامىمەن بٸرلەسٸپ مەدەني-تانىمدىق جەنە سپورتتىق شارالاردىڭ كەشەندٸ باعدارلاماسىن بەكٸتتٸ. اتاپ ايتقاندا, قازاقتىڭ دەستٷرلٸ ٶنەرٸن كٶرسەتۋ, تەاترلىق-بۇقارالىق شارالار, حالىقارالىق جوبالار, كٶرمەلەر, سپورتتىق جەنە اعارتۋشىلىق-تاقىرىپتىق شارالار.
سونىمەن قاتار, وسى باعىتتاعى بارلىق قۇرىلىمداردى تيياناقتى ٷيلەستٸرۋ ٷشٸن شتاب قۇرىلدى. ول استانا قالاسى ەكٸمدٸگٸنٸڭ كونۆەشن بيۋروسى جەنە «استانا ەكسپو-2017» ۇك» اكتسيونەرلٸك قوعامى شتابىمەن تىعىز بايلانىستا بولادى.
ايتا كەتەيٸك, «ەكسپو-2017» حالىقارالىق مامانداندىرىلعان كٶرمەسٸ اياسىندا دەمەۋشٸلٸك قاراجات ەسەبٸنەن لا سكالا تەاترىنىڭ گاسترولٸن, «قىتاي يمپەراتورى تسين شي حۋانديدٸڭ تەرراكوتتان جاسالعان ەسكەرٸ مەدەني ەسكەرتكٸشٸنٸڭ» كٶرمەسٸن, ماريندٸك تەاترىنىڭ گاسترولٸن, «پلاسيدو دومينگو وپەراليياسى» حالىقارالىق جاس ۆوكاليستەر بايقاۋىنىڭ فينالىن ٶتكٸزۋ, سونداي-اق, ەجەلگٸ ەگيپەتتٸڭ ارحەولوگييالىق جەدٸگەرلەرٸ كٶرمەسٸن ۇيىمداستىرۋ جوسپارلانعان.
