بٷگٸن قازاقستان رەسپۋبليكاسى پرەمەر-مينيسترٸنٸڭ ورىنباسارى يمانعالي تاسماعامبەتوۆتٸڭ تٶراعالىعىمەن الاشوردا قوزعالىسىنىڭ قۇرىلعانىنا 100 جىل تولۋىنا وراي الاش زييالىلارىنىڭ شىعارماشىلىق مۇرالارىن زەردەلەۋ جەنە ونى جانداندىرۋ مەسەلەلەرٸ بويىنشا كەڭەس ٶتتٸ.
الاش قوزعالىسىنىڭ تەۋەلسٸزدٸك مۇراتتارى ٷشٸن كٷرەستەگٸ رٶلٸ مەن ماڭىزىن, ونىڭ كٶشباسشىلارىنىڭ ساياسي-قۇقىقتىق, ۇلتتىق قۇندىلىقتارعا قاتىستى كٶزقاراستارىن, تۇجىرىمدارىن جاڭا زاماننىڭ تالاپتارىنا ساي زەردەلەۋ ٶتە ماڭىزدى.
قر پرەمەر-مينيسترٸنٸڭ ورىنباسارى يمانعالي تاسماعامبەتوۆ: «حح عاسىردىڭ باسىندا ۇلتتىڭ زييالىلارى ازاتتىق ٷشٸن بولعان كٶپ عاسىرلىق كٷرەستە ماڭىزدى رٶل اتقاردى. «الاش» العاشقى ساياسي پارتيياسى جەنە الاش وردا ٷكٸمەتٸنٸڭ پايدا بولۋى ازاماتتىق كەمەلدەنگەن جەنە حالىقتىڭ بولاشاق تاعدىرىن شەشە الاتىن قازاقتىڭ ساياسي زييالىلارىنىڭ جوعارعى ەلەۋەتٸن كٶرسەتتٸ», - دەپ اتاپ ٶتتٸ.
بۇل ورايدا, ۆيتسە-پرەمەر ەلٸمٸزدەگٸ الاشتانۋشى تاريحشىلار مەن ەدەبيەتشٸلەر, وتاندىق كينو جەنە تەلەۆيزييا سالاسىنىڭ ماماندارىمەن بٸرلەسە وتىرىپ, تىڭ باستامالاردى – كٸتاپ شىعارۋ, كينو تٷسٸرۋ مەسەلەسٸن قولعا الۋ قاجەتتٸگٸنە توقتالدى.
«الاشتىڭ 100 جىلدىعىنا دۇرىستاپ دايىندالۋىمىز كەرەك. قازٸر ەڭ باستىسى, جاقسى جوسپار قۇرۋىمىز قاجەت. وعان بٸر-ەكٸ اپتاداي ۋاقىت الىپ, دۇرىس جوسپار قۇرىپ, ونى ەلباسىمەن كەلٸسٸپ, ۋاقىتىن بەلگٸلەگەن جٶن. الاشتىڭ 100 جىلدىعى سول زامانمەن قالىپ قويماي, بٷگٸنگٸ تەۋەلسٸز مەملەكەتپەن بايلانىستىرۋ ورىندى بولادى. الاش زييالىلارىنىڭ ارمانى, ونىڭ ورىندالعانى, تەۋەلسٸز ەل بولعانىمىز, وسىنىڭ بارلىعى ۇلتتىق جەنە تاريحي سانانى كٶتەرەتٸن جاقسى دٷنيە بولۋى كەرەك», - دەدٸ يمانعالي تاسماعامبەتوۆ.
سونداي-اق, كەڭەس بارىسىندا احمەت بايتۇرسىنۇلى مۇراجاي ٷيٸن مەملەكەتتٸك مەنشٸككە بەرٸپ, ونىڭ مەرتەبەسٸن رەسپۋبليكالىق دەڭگەيگە كٶتەرۋ, عالىمنىڭ عىلىمي ەڭبەكتەرٸنٸڭ 10 تومدىعىن جارىققا شىعارۋ مەسەلەسٸ قارالدى.
يمانعالي تاسماعامبەتوۆ احمەت بايتۇرسىنوۆ جەنە «الاش» قوزعالىسى جٶنٸندە دەرەكتٸ فيلم تٷسٸرۋ مەسەلەسٸن جەدەل تٷردە قولعا الۋ قاجەتتٸگٸن اتادى.
كەڭەس قورىتىندىسى بويىنشا, ۆيتسە-پرەمەر يمانعالي تاسماعامبەتوۆ قر مەدەنيەت جەنە سپورت مينيسترٸنە الاش وردا ٷكٸمەتٸنٸڭ قۇرىلۋى مەن قالىپتاسۋىنا اتسالىسقان ۇلت زييالىلارىنىڭ ٶمٸربايانىن زەرتتەپ, ولار جٶنٸندە كٶركەم ٶمٸرباياندىق كٸتاپ شىعارۋدى جەنە احمەت بايتۇرسىنوۆ عىلىمي ەڭبەكتەرٸنٸڭ 10 تومدىعىن باسىپ شىعارۋدى تاپسىردى.
الداعى ۋاقىتتا احمەت بايتۇرسىنۇلى مۇراجاي ٷيٸنٸڭ عيماراتى رەسپۋبليكالىق ماڭىزى بار تاريح جەنە مەدەنيەت ەسكەرتكٸشتەرٸنٸڭ مەملەكەتتٸك تٸزٸمٸنە ەنگٸزٸلەتٸن بولادى.
قر بٸلٸم جەنە عىلىم مينيسترٸنە مۇراجاي ٷيدٸ مەملەكەتتٸك مەنشٸككە الۋ جەنە ونى ا. بايتۇرسىنوۆ اتىنداعى تٸل بٸلٸمٸ ينستيتۋتى جانىنان ا. بايتۇرسىنۇلى مۇراجاي ٷيٸ – عىلىمي ورتالىعى رەتٸندە قۇرۋ تاپسىرىلدى.
ايتا كەتسەك, ٶتكەن اپتادا قر پرەمەر-مينيسترٸنٸڭ ورىنباسارى يمانعالي تاسماعامبەتوۆ الماتى قالاسىنا ٸس-ساپار اياسىندا احمەت بايتۇرسىنۇلى مۇراجاي ٷيٸندە بولىپ, ونىڭ جۇمىسىمەن تانىسقان ەدٸ.
"ۇلت اقپارات"
