شۆەيتسارييا فەدەرالدى قىلمىستىق سوتى Takilant Ltd كومپانيياسىنا تيەسٸلٸ 293 ميلليوننان استام دوللاردى كەمپەسكەلەۋ تۋرالى قاۋلى الدى. بۇل كومپانييانىڭ نەگٸزگٸ بەنەفيتسيارى - ٶزبەكستاننىڭ بۇرىنعى پرەزيدەنت يسلام كاريموۆتىڭ ٷلكەن قىزى گٷلنارا كاريموۆا.
گيبرالتارعا تٸركەلگەن Takilant Ltd كومپانيياسى شۆەيتسارييا بانكٸندەگٸ ەكٸ شوتپەن بايلانىستى, ولارعا بايلانىستى قازٸر قىلمىستىق تەرگەۋ جٷرگٸزٸلٸپ جاتىر. كومپانييادان كەمپەسكەلەنگەن اقشانى جالپى سوماسى 350 ميلليون دوللارعا جەتكەن.
Swissinfo باسىلىمىنىڭ جازۋىنشا, سوت بۇل سومانىڭ ەلەۋلٸ بٶلٸگٸن قۇلىپتاۋدى ۇيعارعان, ٶيتكەنٸ اراسىندا گٷلنارا كاريموۆا مەن ونىڭ كٶمەكشٸسٸ دە بار بٸرنەشە ادامعا اقشا جىلىستاتتى دەگەن اۋىر ايىپ تاعىلىپ وتىر.
الايدا سوت شەشٸمٸ بويىنشا 70 ميلليون دوللارعا جۋىق اقشا Takilant Ltd. كومپانيياسىنا قايتارىلادى, ٶيتكەن تەرگەۋ بٸرنەشە كومپانييامەن بايلانىسى بار بۇل اكتيۆتەردٸڭ بارلىعى قىلمىستىق جولمەن كەلمەگەنٸن دەلەلدەي الماعان.
اقشانىڭ ەلەۋلٸ بٶلٸگٸن كەمپەسكەلەۋ تۋرالى سوت شەشٸمٸنە قاراماستان گٷلنارا كاريموۆانىڭ ادۆوكاتتارى سوت شەشٸمٸن ٸشٸنارا جەڭٸس دەپ سانايدى. بۇل جٶنٸندە گٷلنارا كاريموۆانىڭ ادۆوكاتى گرەگۋارا مانجيدٸڭ (Grégoire Mangeat) حاتىندا ايتىلعان. ادۆوكات حاتتى ەلەكتروندى پوشتا ارقىلى Swiss Telegraphic Agency باسىلىمىنا جٸبەرگەن.
"بۇل قاۋلى, ەڭ ەۋەلٸ گٷلنارا كاريموۆانىڭ ٶزبەكستاندا وزبىرلىقپەن قامالىپ جاتقانىن پايدالانباق بولعان فەدەرالدى پروكۋراتۋرا جۇمىسىنىڭ زايا كەتكەنٸن بٸلدٸرەدٸ", – دەيدٸ شۆەيتسارييا ادۆوكاتى.
2020 جىلى 18 ناۋرىزدا تاشكەنت قالالىق سوتى گٷلنارا كاريموۆانى 13 جىل تٶرت ايعا باس بوستاندىعىنان ايىرعان.
ونى "قىلمىستىق ۇيىم قۇردى, بوپسامەن اينالىستى, ۇرلادى, قىلمىستىق جولمەن تاپقان تابىستارىن زاڭداستىردى" دەپ ايىپتاعان.
گٷلنارا كاريموۆا 2019 جىلدىڭ كٶكتەمٸنەن بەرٸ تاشكەنت وبلىسىنداعى №21 ەيەلدەر كولونيياسىندا قاماۋدا وتىر.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
