تاريحىمىز تەۋەلسٸز ەلدٸڭ كٶزقاراسىمەن جازىلۋى كەرەك. بۇل تۋرالى پرەزيدەنت قاسىم-جومارت توقاەۆ ۇلىتاۋ وبلىسىندا ٶتكەن ۇلتتىق قۇرىلتايدا ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«تاعى بٸر ماڭىزدى جۇمىس – بۇل تاريحي ەدٸلدٸك ورناتۋ. بٸر كەزدەرٸ ۇمىتىلىپ كەتكەن ۇلت پەرزەنتتەرٸنٸڭ ەسٸمٸن قايتا جاڭعىرتۋىمىز كەرەك. ەل تاعدىرىن ايقىنداعان تاريحي وقيعالارعا لايىقتى باعا بەرگەن جٶن. سوڭعى ەكٸ جىلدا بۇل باعىتتا كٶپتەگەن جۇمىس اتقارىلدى. ۇلتىمىزدىڭ كٶرنەكتٸ تۇلعالارىنىڭ ەسٸمٸ ارداقتالدى. تاريحي داتالار قالپىنا كەلتٸرٸلدٸ. وسىلايشا, ەلٸمٸزدٸڭ شىنايى شەجٸرەسٸ جازىلىپ جاتىر. ٶتكەنگە ەدٸل باعا بەرٸلمەسە, جارقىن بولاشاقتان ٷمٸت كٷتۋ قيىن. مۇنى تەرەڭ تٷسٸنگەن ابزال.
مەن بىلتىر ەلٸمٸزدٸڭ اكادەمييالىق ٷلگٸدەگٸ جاڭا تاريحىن جازۋ تۋرالى تاپسىرما بەردٸم. قازٸر قازاقستان تاريحىنىڭ كٶپ تومدىعى ەزٸرلەنٸپ جاتىر. بەلگٸلٸ عالىمدارىمىز جۇمىلىپ, وسى ماڭىزدى ٸسكە اتسالىسۋدا. مەن ٶزٸم دە بۇل جۇمىسقا ٷلەسٸمدٸ قوسامىن. ونى كەلەسٸ جىلدىڭ ورتاسىندا تٷبەگەيلٸ اياقتاۋ كەرەك. دەگەنمەن, مەسەلە ۋاقىتتا ەمەس, ساپادا. تاريحىمىز جٷيەلٸ, شىنايى, ەڭ باستىسى, تەۋەلسٸز ەلدٸڭ كٶزقاراسىمەن جازىلۋى كەرەك. عىلىم جەنە جوعارى بٸلٸم مينيسترلٸگٸنە مۇنى ايرىقشا قاداعالاۋدى تاپسىرامىن. قاجەت بولسا, شەتەل عالىمدارىن دا تارتۋعا بولادى.
بٸز – تاريحتان تاعىلىم الا بٸلگەن حالىقپىز. بٷگٸن قايتا جالعاسىن تاپقان قۇرىلتايدى تٶل تاريحىمىزعا تاعزىم دەۋگە بولادى. وسى قۇرىلتاي دا ەرتەڭ ۇلت شەجٸرەسٸنٸڭ بٸر بەلەسٸنە اينالاتىنى انىق», - دەدٸ مەملەكەت باسشىسى.
