تەربيەشٸلەردٸڭ ايلىعىن كٶتەرۋ مەسەلەسٸ ولارعا قويىلاتىن تالاپپەن بٸرگە ارتادى. پارلامەنت كۋلۋارىندا پرەزيدەنت جولداۋىنىڭ بٸلٸم سالاسىنا قاتىستى تاپسىرمالارى تۋرالى پٸكٸر بٸلدٸرگەن قر وقۋ-اعارتۋ مينيسترٸ اسحات ايماعامبەتوۆ وسىنداي پايىم ايتتى, دەپ حابارلايدى قازاقپارات.
«بٸلٸم سالاسى مەملەكەت باسشىسىنىڭ ٷنەمٸ باستى نازارىندا. ونى جاڭا ٶزدەرٸڭٸز كٶردٸڭٸزدەر. ٶتە كٶپ باستاما ايتىلىپ, بٸزگە بٸرقاتار تاپسىرما بەرٸلدٸ. وسى تاپسىرمالاردىڭ شەڭبەرٸندە جۇمىس ٸستەيمٸز. 1-2 كٷننەن كەيٸن ناقتى قانداي شارالار قابىلداناتىنى جٶنٸندە رەسمي اقپارات بەرەمٸز», - دەيدٸ ۆەدومستۆو باسشىسى.
سونداي-اق, ول بالاباقشا تەربيەشٸلەرٸنٸڭ ايلىعىن كٶتەرە تٷسۋ ۋاقىت تالابىنان تۋىنداپ وتىرعان مەسەلە ەكەنٸن اتادى.
«مەملەكەت باسشىسى ۇستاز مەرتەبەسٸ, ولاردىڭ جالاقىسى تۋرالى ەردايىم ايتىپ كەلەدٸ. جالپى كەلەسٸ جىلى قاڭتاردان باستاپ مۇعالٸمدەردٸڭ ايلىعى 25 پايىزعا كٶتەرٸلەدٸ دەگەن تاپسىرماسى بار. وعان بٷگٸن مەملەكەت باسشىسى تەربيەشٸلەردٸڭ ەڭبەكاقىسىن كٶتەرٸپ, جٷكتەمەسٸن ازايتۋ قاجەتتٸگٸن ايتتى. بۇل – كەرەمەت نەرسە. ٶيتكەنٸ ولاردىڭ دا جالاقىسى كٶتەرٸلٸپ جاتقانىمەن, ۇستازدارعا قاراعاندا از بولعاندىقتان ەلٸ دە كٶتەرە تٷسۋدٸ قاجەت ەتەدٸ. پەداگوگتەردٸ اتتەستاتتاۋ جەنە اككرەديتتەۋ بويىنشا جۇمىستى باستاپ كەتتٸك تە. ەندٸ مەكتەپكە دەيٸنگٸ بٸلٸم بەرۋ ۇيىمدارىندا دا وسىنداي جۇمىس جٷرگٸزۋ تۋرالى تاپسىرما بەرٸلگەنٸن كٶردٸڭٸزدەر. بۇل شىن مەنٸندە حالىقارالىق تەجٸريبەدە بار», - دەدٸاسحات ايماعامبەتوۆ.
مينيستر جالپى تەربيەشٸلەردٸ اتتەستاتتاۋ, مۇعالٸمدەردٸ اكررەديتتەۋ جەنە سەرتيفيكاتتاۋ, «قولايلى مەكتەپ» جوباسى تۋرالى پرەزيدەنت تاپسىرمالارى بويىنشا مٸندەتتٸ تٷردە جٷيەلٸ جۇمىس جٷرگٸزٸلەتٸنٸن مەلٸم ەتتٸ.
