دەل قازٸر ٶسكەمەندە تارباعاتاي اۋدانىنىڭ ەلەكە سازى جايلاۋىندا جٷرگٸزٸلگەن ارحەولوگييالىق زەرتتەۋلەردٸڭ العاشقى نەتيجەلەرٸ باق ٶكٸلدەرٸنە تانىستىرىلۋدا, دەپ حابارلايدى قازاقپارات تٸلشٸسٸ.
بۇل - شىعىس قازاقستان جەرٸنەن تابىلعان بەسٸنشٸ «التىن ادام». قازبا جۇمىستارىنا جەتەكشٸلٸك ەتكەن اكادەميك زەينوللا ساماشەۆ تابىلعان «التىن ادامنىڭ» ەش بٷلٸنبەگەنٸن ايتادى. بارلىق التىن بۇيىمدار سول كٷيٸندە ساقتالعان.
«بۇل - بٸزدٸڭ زامانىمىزعا دەيٸنگٸ VIII عاسىرعا جاتاتىن ەرتە ساق دەۋٸرٸنٸڭ مۇراسى. ەسٸك قورعانىنان تابىلعان «التىن ادامنان» دا كٶنە. ەكەۋٸنٸڭ اراسىندا 3 عاسىر ايىرماشىلىق بار. وسىلايشا اراعا 50 جىل سالىپ قازاق دالاسىنان ەكٸنشٸ رەت تونالماعان «التىن ادام» تابىلدى» - دەيدٸ ارحەولوگ.
ەلەكە سازىندا جەرلەنگەن ادامنىڭ جاسى 16-17 جاس مٶلشەرٸندە دەگەن بولجام بار. ونىڭ قاسىنا ەرەسەك ادام قويىلعان ەكەن. ارحەولوگتىڭ ايتۋىنشا ول قاتتى توناۋعا تٷسكەن.
«ال بوزبالانىڭ مٷردەسٸن قاراقشىلار بايقاماسا كەرەك» - دەيدٸ عالىم.
ەسكە سالا كەتەيٸك, بٸز وسىعان دەيٸن شىعىس قازاقستاندا التىن ادامنىڭ تابىلعانى تۋرالى جازعان بولاتىنبىز.
