Dál qazir Óskemende Tarbaǵatai aýdanynyń Eleke sazy jailaýynda júrgizilgen arheologiialyq zertteýlerdiń alǵashqy nátijeleri BAQ ókilderine tanystyrylýda, dep habarlaidy QazAqparat tilshisi.
Bul - Shyǵys Qazaqstan jerinen tabylǵan besinshi «Altyn adam». Qazba jumystaryna jetekshilik etken akademik Zeinolla Samashev tabylǵan «Altyn adamnyń» esh búlinbegenin aitady. Barlyq altyn buiymdar sol kúiinde saqtalǵan.
«Bul - bizdiń zamanymyzǵa deiingi VIII ǵasyrǵa jatatyn Erte saq dáýiriniń murasy. Esik qorǵanynan tabylǵan «Altyn adamnan» da kóne. Ekeýiniń arasynda 3 ǵasyr aiyrmashylyq bar. Osylaisha araǵa 50 jyl salyp qazaq dalasynan ekinshi ret tonalmaǵan «Altyn adam» tabyldy» - deidi arheolog.
Eleke sazynda jerlengen adamnyń jasy 16-17 jas mólsherinde degen boljam bar. Onyń qasyna eresek adam qoiylǵan eken. Arheologtyń aitýynsha ol qatty tonaýǵa túsken.
«Al bozbalanyń múrdesin qaraqshylar baiqamasa kerek» - deidi ǵalym.
Eske sala keteiik, biz osyǵan deiin Shyǵys Qazaqstanda Altyn adamnyń tabylǵany týraly jazǵan bolatynbyz.
