© Photo: ۆيدەودان الىنعان كادر
ەلٸمٸزدٸڭ قۇقىق قورعاۋ ورگاندارى تاعى بٸر ايىپتالۋشىدان كٶز جازىپ قالدى. بۇل جولى «تارازەنەرگو» ورتالىعىنىڭ بۇرىنعى باسشىسى ٷكٸم شىقپاي تۇرىپ قاشىپ ٷلگەرگەن. «مەملەكەت قارجىسىن جىمقىردى» دەپ ايىپتالعان بيزنەسمەننٸڭ قايدا كەتكەنٸن ەشكٸم بٸلمەيدٸ, دەپ حابارلادى كتك تەلەارناسى.
باقبەرگەن مەۋلەنوۆ سوڭعى سوت وتىرىستارىنا دا كەلمەگەن. جۋىق ارادا ٷكٸم وقىلادى دەپ جٷرگەندە, سۋديا قاشىپ كەتكەن ايىپتالۋشىعا ٸزدەۋ جارييالانعانىن مەلٸمدەدٸ. ول دا گەنەرال سەرٸك كٷدەباۆ سەكٸلدٸ شەتەل اسىپ كەتتٸ مە, ەلدە ەل ٸشٸندە جاسىرىنىپ جٷر مە, ول جاعى ەزٸرگە بەلگٸسٸز.
باقبەرگەن مەۋلەنوۆ قازىنانىڭ 2 ميلليارد تەڭگەسٸن قالتاسىنا باسقان دەپ كٷدٸككە ٸلٸنٸپ, بٸر جارىم جىل بۇرىن بالاسى ەكەۋٸ قاماۋعا الىنعان. ٶزٸ ٷش اي بۇرىن كەپٸلدٸكپەن ٷيقاماققا شىققان. ال ۇلى مەن تاعى 7 سىبايلاسى وسى ٸس بويىنشا تەرگەلٸپ جاتىر.
جىلۋ تاراتۋ مەكەمەسٸنٸڭ ەكس-پرەزيدەنتٸ بالاسىن تٷرمەگە تاستاپ ٶزٸ ٸز سۋىتقانى كٶپتٸ تاڭداي قاقتىردى. ال ونىڭ جوعالىپ كەتكەنٸ تۋرالى 28 ناۋرىز كٷنٸ سوت وتىرىسىندا بەلگٸلٸ بولىپتى. بٸراق رەسمي مەلٸمەت تەك بٷگٸن تارادى.
"28.03.2023 جىلعى قاۋلىعا ساي, سوتتالۋشى ب. مەۋلەنوۆ سوت وتىرىسىنا سەبەپسٸز كەلمەگەنٸنە بايلانىستى ٸزدەستٸرۋ جارييالاندى. سوتتالۋشى ۇستالعان سوڭ بۇلتارتپاۋ شاراسىن قاماۋعا الۋعا ٶزگەرتۋ شەشٸمٸ بار. ەسكە سالا كەتەيٸك, بۇنىڭ الدىندا سوتتالۋشى ب.مەۋلەنوۆكە قاتىستى بۇلتارتپاۋ شاراسى ٷيقاماق بولاتىن. قاۋلىنى ورىنداۋ ٷشٸن جامبىل وبلىسىنىڭ پوليتسييا دەپارتامەنتٸ مەن ەكونوميكالىق تەرگەۋ دەپارتامەنتٸنە جولدانعان" - دەيدٸ جامبىل وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ باسپاسٶز قىزمەتٸ.
