تاراز قالاسىنداعى «بالاساعۇن» كونتسەرت زالىندا ٶتكەن جىر الىبى جامبىل جاباەۆتىڭ 175 جىلدىق مەرەيتويىنا ارنالعان «جامبىل – مەنٸڭ جاي اتىم, حالىق – مەنٸڭ شىن اتىم» اتتى رەسپۋبليكالىق ايتىس مەرەسٸنە جەتتٸ, دەپ حابارلايدى "ۇلت اقپارات".
ەلٸمٸزدٸڭ ەر ٶڭٸرٸنەن كەلگەن جيىرما اقىننىڭ ٸشٸندە جامبىلدىق ايتمۇحانبەت يساقوۆ پەن قوستانايلىق ايبەك قاليەۆ اقىنداردىڭ العاشقى جۇبىن قۇراسا, سٶز ٶنەرٸنٸڭ العاشقى اينالىمىن بايزاق اۋدانىنىڭ تۋماسى التىنكٷل قاسىمبەكوۆا مەن الماتىلىق شۇعايىپ سەزٸمحان تٷيٸندەدٸ.
عاسىر جاساعان جامبىل بابامىز بەن ەلٸمٸزدٸڭ اقپان ايىندا تۋعان بٸرقاتار تۇلعالارىن, تەۋەلسٸزدٸگٸمٸزدٸڭ 30 جىلدىعىن جىرىنا ارقاۋ ەتكەن اقىندار جاقسى ايتىس جاساي بٸلدٸ.
كٶپتەن بەرٸ ايتىس كٶرمەي اڭقاسى كەپكەن كٶرەرمەننٸڭ مەيٸرٸ جىرعا قاندى.
وسىلايشا 10 جۇپ اقىننىڭ ٸشٸندە 3 جۇپ اقتىق اينالىمعا ٶتتٸ.
اقتىق ايقاستا جۇرت جامبىلدىق شاپاعات سەبيتقىزى مەن شۇعايىپ سەزٸمحاننىڭ, تٷبٸ تٷركٸستاندىق ەركەبۇلان قاينازار مەن جەرلەسٸمٸز قانات مىرزاحاننىڭ, قىزىلوردالىق نۇرمات مانسۇر مەن شىعىس قازاقستان وبلىسىنان كەلگەن رٷستەم قايىرتايۇلىنىڭ تارتىستى ٶنەرٸن تاماشالادى.
جىر دوداسى قاس قارايعانشا سوزىلىپ, حالىق ەرتٸسٸ اسانەلٸ ەشٸموۆ باستاعان قازىلار شەشٸمٸمەن باس جٷلدە جامبىل وبلىسىنىڭ تۋماسى قانات مىرزاحاننىڭ قانجىعاسىنا بايلاندى.
توپتان وزا شاپقان وعلانعا وبلىس ەكٸمٸ بەردٸبەك ساپارباەۆ 2 ميلليون تەڭگەنٸڭ سەرتيفيكاتىن تابىس ەتتٸ.
ال بٸرٸنشٸ ورىنعا لايىق دەپ تانىلعان رٷستەم قايىرتاي مەن ەركەبۇلان قاينازاروۆقا 750 مىڭ تەڭگەدەن بەرٸلدٸ.
ەرقايسى 500 مىڭ تەڭگەنٸڭ سەرتيفيكاتىنا يە بولعان شاپاعات سەبيتقىزى مەن نۇرمات مانسۇر ەكٸنشٸ ورىنعا تابان تٸرەدٸ.
پاۆلودار وبلىسىنىڭ تۋماسى اسپانبەك شۇعاتاەۆ, پەتروپاۆلدان كەلگەن جارقىن جۇپارحان, شۇعايىپ سەزٸمحان ٷشٸنشٸ ورىندى مٸسە تۇتىپ, ولارعا 300 مىڭ تەڭگەنٸڭ سەرتيفيكاتتارى تابىس ەتٸلدٸ.
سونداي-اق, 3 اقىنعا ىنتالاندىرۋ سىيلىعى بەرٸلسە, قالعان قاتىسۋشىلار وبلىس ەكٸمٸنٸڭ العىس حاتىمەن ماراپاتتالىپ, اقشالاي سىيلىققا يە بولدى.
