تارازدا 35 جاستاعى ەر ادامدى مرت اپپاراتى تارتىپ ٶلتٸردٸ. مارقۇمنىڭ جاقىندارى وقىس وقيعاعا كٸنەلٸلەردٸ انىقتاپ, جازاعا تارتۋ كەرەگٸن مەلٸمدەدٸ, - دەپ حابارلايدى Tengrinews.kz تٸلشٸسٸ كتك تەلەارناسىنا سٸلتەمە جاساپ.
اقپارات بويىنشا, 35 جاستاعى جەرگٸلٸكتٸ تۇرعىندى ماگنيتتٸك-رەزونانستىق توموگرافييا اپپاراتى جۇتىپ قويىپ قازا تاپقان. اتپالداي ازاماتتى مەديتسينالىق قۇرالدىڭ ماگنيتٸ ٸشكە قاراي تارتىپ ەكەتٸپ, ول سونىڭ اۋزىندا كەپتەلٸپ اجال قۇشقان.
"ول بٸزدٸڭ اسىراۋشىمىز ەدٸ. ەندٸ نە ٸستەدٸك?! ماعان ۇلىمدى قايتارىپ بەرسٸن. ول ەلٸ ٶمٸردٸڭ قىزىعىن كٶرٸپ ٷلگەرگەن جوق. ارتىندا كٸشكەنتاي قىزى جەتٸم قالدى. جۇمىس ٸستەيتٸن بٶلمەنٸ ٶزدەرٸ بوساتىپ بەرۋٸ كەرەك ەمەس پە? ال ونداعىلار مرت-نى ورنىنان قوزعالتۋدى وسىلارعا جٷكتەگەن", - دەدٸ ف. حۋساين-احۋنوۆتىڭ اناسى ۆازيرا حۋساين-احۋنوۆا.
قايعىلى جاعداي قالاداعى مەديتسينالىق ورتالىقتىڭ بٸرٸندە بولعان. مەكەمەدە جٶندەۋ جۇمىستارىن جٷرگٸزٸپ جٷرگەن ەكٸ ازامات مرت اپپاراتىن ورنىنان جىلجىتپاق بولعان. سول كەزدە ۇدايى قوسىلىپ تۇراتىن مەديتسينالىق قوندىرعىنىڭ قۋاتتى ماگنيتٸ فۋركات حۋساين-احۋنوۆتى ٸشٸنە تارتىپ كەتكەن.
تەلەارنا تٸلشٸسٸنٸڭ سٶزٸنشە, 35 جاستاعى ەر ادام ەكٸ بٷكتەلٸپ اۋزىندا كەپتەلٸپ قالىپتى. بٸردەن ەسٸنەن تانعان جٸگٸتتٸ الىپ شىعۋعا ادامداردىڭ كٷشٸ جەتپەي, كەيٸن ٶلٸ دەنەنٸ جٷك كٶلٸگٸمەن سۋىرىپ الۋعا تۋرا كەلگەن.
مارقۇمنىڭ جاقىندارى وقىس وقيعاعا كٸنەلٸلەردٸ انىقتاپ, جازاعا تارتۋ كەرەك دەيدٸ. ال بولعان جاعدايعا تٷسٸنٸك بەرەتٸن مەديتسينالىق ورتالىقتان بٸردە-بٸر ٶكٸل تابىلماپتى. مارقۇمنىڭ ارتىندا ەيەلٸ مەن تٶرت جاسار قازى قالدى.
"اتالعان دەرەك بويىنشا قك-تٸڭ 156-بابى, 3-بٶلٸگٸمەن تەرگەۋ باستالدى. قاجەتتٸ سوت-مەديتسينالىق ساراپتامالار تاعايىندالدى", - دەدٸ جامبىل وبلىسى پب باسپاسٶز حاتشىسى گٷلسارا مۇحتارقۇلوۆا.
