تاراز قالاسىندا 7 سەۋٸر كٷنٸ كارانتينگە جابىلعان كٶپپەتەرلٸ تۇرعىن ٷيدٸڭ بٸر كٸرەبەرٸسٸ اشىلدى, دەپ حابارلايدى "ۇلت اقپارات" تاراز قالاسى ەكٸمدٸگٸنە سٸلتەمە جاساپ.
تاراز قالاسىندا 7 سەۋٸر كٷنٸ كوروناۆيرۋس ينفەكتسيياسىن جۇقتىرعان 86 جاستاعى ەيەل تٸركەلٸپ, ناۋقاس انىقتالعان «قاراسۋ القابى» شاعىناۋدانىنداعى كٶپپەتەرلٸ تۇرعىن ٷيدٸڭ كٸرەبەرٸسٸ كارانتينگە جابىلعان بولاتىن. ەپيدەميولوگييالىق تەكسەرۋ بارىسىندا تۇرعىننىڭ 17 ناۋرىز كٷنٸ الماتى قالاسىنان كەلگەن جاقىن تۋىسىمەن بايلانىستا بولعانى انىقتالىپ, ول ينفەكتسييالىق ستاتسيونارعا جاتقىزىلعان. ال, ونىمەن بايلانىستا بولعان 5 ادام انىقتالىپ, ولار دا كارانتينگە ورنالاستىرىلدى.
اتالعان تۇرعىن ٷيدٸڭ كٸرەبەرٸسٸندە جەنە تۇرعىننىڭ تۇرعىلىقتى جەرٸ بويىنشا دەزينفەكتسييالىق ٶڭدەۋ شارالارى جٷرگٸزٸلگەن. وسى كٸرەبەرٸستەگٸ پەتەرلەردە تۇراتىن تۇرعىندار 14 كٷنگە وقشاۋلانىپ, ولارعا ٷيٸنەن شىعۋعا تىيىم سالىنعان بولاتىن.
تاراز قالالىق تاۋارلار مەن كٶرسەتٸلەتٸن قىزمەتتەردٸڭ ساپاسى مەن قىزمەتتەرٸن باقىلاۋ باسقارماسى باسشىسىنىڭ ورىنباسارى عابيت ەبدٸلدەنٸڭ ايتۋىنشا, بۇل كٸرەبەرٸستە وقشاۋلانعان 26 تۇرعىننىڭ 11-ٸ 18-گە تولماعان بالالار, ال 15-ٸ ەرەسەك ادامدار. وسى 14 كٷن ٸشٸندە ولاردىڭ دەنساۋلىق جاعدايلارى جەرگٸلٸكتٸ ەمحانادا باقىلانىپ, ەشقانداي اۋىتقۋ بەلگٸلەرٸ بايقالماعان.
وقشاۋلانعان كٸرەبەرٸستٸڭ تۇرعىندارىنا ەكٸ اپتا پەتەرلەرٸنەن شىعۋىنا تىيىم سالىنىپ, وسى ارالىقتا تاراز قالاسىنىڭ ەكٸمدٸگٸ پەتەر تۇرعىندارىن ازىق-تٷلٸك ٶنٸمدەرٸمەن قامتاماسىز ەتكەن. بٷگٸن تاراز قالاسىنىڭ ەكٸمدٸگٸ سول «قاراسۋ القابى» شاعىناۋدانىنداعى تۇرعىن ٷي كٸرەبەرٸسٸنٸڭ كارانتيندٸك رەجيمٸنٸڭ اياقتالعانىن مەلٸمدەدٸ. كارانتينگە جابىلعان تۇرعىندارعا تەك جەرگٸلٸكتٸ بيلٸك قانا ەمەس, كەسٸپكەرلەر مەن بەلسەندٸ ازاماتتار دا قولداۋ كٶرسەتكەن بولاتىن.
«بٸز سانەپيدقاداعالاۋ مەكەمەسٸنٸڭ تالاپتارىنا ساي 14 كٷن بويى ٷيدەن شىقپاي, مەديتسينا قىزمەتكەرلەرٸنٸڭ كٷندەلٸكتٸ باقىلاۋىندا بولدىق. سونىڭ ارقاسىندا باسقا ەشكٸمنەن ۆيرۋس شىققان جوق. وسى 14 كٷن ٸشٸندە قالا ەكٸمدٸگٸ مەن دەمەۋشٸلەردٸڭ كٶمەگٸمەن بٸزگە كٷندەلٸكتٸ ازىق-تٷلٸگٸمٸز بەن ىستىق تاماعىمىز جەتكٸزٸلٸپ وتىردى. سول ٷشٸن ازاماتتارعا العىسىمىزدى ايتامىز», - دەدٸ اتالعان تۇرعىن ٷيدٸڭ تۇرعىنى اياگٶز مايليەۆ.
