بٷگٸن جامبىل وبلىسىنىڭ 80 جىلدىعى اتاپ ٶتٸلۋدە. جاڭا فورماتتا ٶتٸپ جاتقان مەرەيتوي بارىسىندا بٸرقاتار نىساندار پايدالانۋعا بەرٸلدٸ. ەڭ الدىمەن وبلىستىق قازاق دراما تەاترىنىڭ الدىنا ورناتىلعان اسقار توقپانوۆتىڭ ەسكەرتكٸشٸ اشىلدى, دەپ حابارلايدى "ۇلت اقپارات".
جامبىل وبلىسىنىڭ 80 جىلدىعىنا ارنالىپ اشىلعان رۋحاني نىسانداردىڭ كٶشٸن ا.توقپانوۆتىڭ ەسكەرتكٸشٸ باستادى. اسقار توقپانوۆ وبلىستىق قازاق دراما تەاترىنىڭ نەگٸزٸن قالاعان, ونداعى شىعارماشىلىق ۇجىمىنىڭ كەسٸبي بٸلٸكتٸلٸگٸن جەتٸلدٸرۋگە ٶز قولتاڭباسىن قالدىرعان ەلٸمٸزگە تانىمال رەجيسسەر.
ەسكەرتكٸشتٸڭ لەنتاسىن كسرو جەنە قازاقستاننىڭ حالىق ەرتٸسٸ, قازاقستاننىڭ ەڭبەك ەرٸ اسانەلٸ ەشٸموۆ پەن قازاقستان تەاتر قايراتكەرلەرٸ وداعىنىڭ تٶراعاسى, اسقار توقپانوۆتىڭ شەكٸرتٸ, قازاقستاننىڭ حالىق ەرتٸسٸ تۇڭعىشباي جامانقۇلوۆ, قازاقستاننىڭ حالىق ەرتٸسٸ, پروفەسسور ەسمۇحان وباەۆ قيدى. ولار تۇلعا تۋرالى ەستٸ ەستەلٸكتەرٸ مەن تاعىلىمدى ويلارىن ورتاعا سالىپ, ا.توقپانوۆتىڭ ەسكەرتكٸشٸنٸڭ وبلىستىق تەاتر الدىنان اشىلىپ وتىرعانىن ٶتە ورىندى شەشٸم بولعانىن باسا ايتتى. ەسكەرتكٸشكە قر مەدەنيەت جەنە سپورت مينيسترٸ ا.رايىمقۇلوۆا, وبلىس ەكٸمٸ ا.مىرزاحمەتوۆ جەنە بٸرقاتار زييالى قاۋىم ٶكٸلدەرٸ ىقىلاس گٷلٸن قويدى.
اسقار توقپانوۆ — جوعارى بٸلٸمدٸ تٷڭعىش ۇلتتىق كەسٸبي رەجيسسەر, قازاقستان تەاتر ٶنەرٸنٸڭ كٶرنەكتٸ قايراتكەرلەرٸنٸڭ بٸرٸ, قازاقستاننىڭ حالىق ارتيسٸ. ول 1915 جىلى قازان ايىندا الماتى وبلىسىنىڭ ٸلە اۋدانىنا قاراستى № 2 اۋىلدا دٷنيەگە كەلگەن. 1939 جىلى مەسكەۋدٸڭ مەملەكەتتٸك ا.ۆ.لۋناچارسكيي اتىنداعى تەاتر ٶنەرٸ ينستيتۋتىنىڭ رەجيسسەرلٸك فاكۋلتەتٸن تەمامداعان سوڭ رەسپۋبليكامىزدىڭ تەاتر ٶمٸرٸنە زور ەڭبەك سٸڭٸرگەن تۇلعا.
ايتا كەتەرلٸك تاعى بٸر جايت, بٷگٸنگٸ ٸس-شارا بارىسىندا ا.توقپانوۆتىڭ ٶمٸرٸ مەن شىعارماشىلىعى جٶنٸندەگٸ «توقپانوۆ تۇلعاسى» اتتى ەستەلٸك كٸتاپتىڭ تۇساۋكەسەر رەسٸمٸ ٶتتٸ. قوناقتار ٷشٸن ا.توقپانوۆتىڭ قىزمەت جولى, ەڭبەكتەرٸ, ناگرادالارى, شەكٸرتتەرٸ جايلى فوتوستەند ۇيىمداستىرىلىپ, تۇلعا تۋرالى دەرەكتٸ فيلم كٶرسەتٸلدٸ.
سونىمەن قاتار, بٷگٸندە جامبىل وبلىستىق قازاق دراما تەاترىنا قازاقتىڭ تۇڭعىش كەسٸبي رەجيسسەرٸ, حالىق ەرتٸسٸ اسقار توقپانوۆتىڭ ەسٸمٸن بەرۋ بويىنشا تيٸستٸ جۇمىستار جٷرگٸزٸلۋدە. رەسپۋبليكالىق ونوماستيكالىق كوميسسييادان قولداۋ تاپقان بۇل ۇسىنىس بويىنشا قازٸر ٷكٸمەت قاۋلىسىنىڭ جوباسى دايىندالۋدا.
وبلىس تەاترىنا تۇلعانىڭ ەسٸمٸن بەرۋ - ٶنەرسٷيەر قاۋىمنىڭ كٶپتەن بەرگٸ ارمان-تٸلەگٸ بولاتىن. ٶيتكەنٸ قازاق ٶنەرٸنٸڭ دامۋىنا ٶلشەۋسٸز ٷلەس قوسقان تۇلعا ٶز ەڭبەك جولىندا جامبىل وبلىستىق قازاق تەاترىندا دا ەلەۋلٸ ەڭبەك ەتكەن. كٶپتەگەن قويىلىمدار ساحنالاپ, شەكٸرتتەر تەربيەلەگەن.
بۇل ۇسىنىستى وسىدان 10-15 جىل بۇرىن اسانەلٸ ەشٸموۆ, سەبيت ورازباەۆ, تۇڭعىشباي جامانقۇلوۆ سەكٸلدٸ تەاتر ساڭلاقتارى كٶتەرٸپ, ۇسىنىس حات جازعانىمەن, جاۋاپسىز قالعان ەدٸ. وبلىس ەكٸمٸ اسقار يسابەكۇلى وسى مەسەلەنٸ ٷكٸمەت, مەدەنيەت مينيسترلٸگٸ دەڭگەيٸندە كٶتەرٸپ, يگٸ باستاما ٶز شەشٸمٸن تابۋدا.
ا. توقپانوۆ ەسٸمٸ بۇعان دەيٸن ەلٸمٸزدە ەشقانداي تەاتر مەن ٶنەر ۇجىمىنا بەرٸلمەگەن. ال 1936 جىلى قۇرىلعان وبلىستىق قازاق دراما تەاترى وسى جىلدار بويى بٸردە-بٸر تۇلعانىڭ اتىمەن اتالماعان. وسى تۇرعىدان العاندا بۇل باستاما كٶپشٸلٸكتەن زور قولداۋ تابۋدا.
تەاتر رەجيسسەرٸنٸڭ مٷسٸنٸن بەلگٸلٸ مٷسٸنشٸ مومىش سۇلتان جاساپ شىقتى. ونىڭ قۇرىلىسىنا تانىمال مەتسەنات «Super pharm» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ ديرەكتورى قايرات قايمولداەۆ دەمەۋشٸلٸك ەتكەن.
