سۋرەت: kaz.tengrinews.kz
تاراز قالاسىندا №11 مەكتەپ وقۋشىسى قۇرداسىنىڭ قولىن سىندىردى, دەپ حابارلايدى Sputnik قازاقستان اقپارات اگەنتتٸگٸ.
14 جاستاعى ەنۋار بەكەتباەۆتىڭ اناسىنىڭ ايتۋىنشا, جاسٶسپٸرٸمدەر اراسىنداعى جانجال امانداسۋدان شىققان.
"ول مەنٸڭ بالاما "نەگە امانداسپايسىڭ" دەگەن. بالام وڭ قولىن بەرگەن. ەكٸ قولداپ نەگە امانداسپايسىڭ, قولىڭ التىن با دەگەن, مەنٸڭ بالام "يە, التىن" دەگەن. سول سەتتە ول بالامنىڭ جاعاسىنان سٷيرەپ, كٶشەنٸڭ بۇرىلىسىنا اپارعان دا شالقاسىنان قۇلاتقان. سول قولىنا سەكٸرٸپ كەلٸپ, بار كٷشٸمەن شىنتاقپەن قۇلاعان. بالامنىڭ جان داۋسى شىققان. سول سىنعان قولىن جۇدىرىقپەن ۇرا بەرگەن. ونىمەن قويماي, موينىنان قىلقىندىرىپ, بەتٸنەن جۇدىرىقپەن 5-6 رەت ۇرعان. ونىڭ بەرٸن مەنٸڭ كٸشٸ ۇلىم مەن جاڭاعى وقۋشىنىڭ دوسى, سوسىن كٶرشٸ بالا كٶرٸپ تۇرعان", - دەيدٸ جەبٸرلەنۋشٸنٸڭ اناسى دينارا بەكەتباەۆا Sputnik قازاقستان تٸلشٸسٸنە بەرگەن سۇحباتىندا.
© Photo : زارداپ شەككەن بالانىڭ اناسى ۇسىندى
دەرٸگەرلەر ەنۋار بەكەتباەۆقا اۋىر جۇمىس ٸستەۋگە, سپورتپەن شۇعىلدانۋعا ٶمٸر بويىنا تىيىم سالعان. ٶيتكەنٸ بالانىڭ ٷگٸتٸلگەن سٷيەگٸن ارنايى مەديتسينالىق قۇرالدارمەن جيناعان.
ال جەرگٸلٸكتٸ پوليتسييا باسقارماسىنىڭ ۋەجٸ مىناداي:
"14 اقپاندا تاراز قالاسىنىڭ پوليتسييا باسقارماسى 2-پوليتسييا بٶلٸمٸنە 38 جاستاعى جەرگٸلٸكتٸ تۇرعىن حابارلاستى. ازامات ارىزىندا 27 قاڭتار ساعات 19:00 شاماسىندا 13 جاسار بالانىڭ 14 جاستاعى ۇلىنا دەنە جاراقاتىن سالعانىن جازعان. بۇل بويىنشا قىلمىستىق كودەكستٸڭ "دەنساۋلىققا قاساقانا اۋىرلىعى ورتاشا زييان كەلتٸرۋ" بابى بويىنشا سوتقا دەيٸنگٸ تەرگەۋ باستالدى. بارلىق قاجەتتٸ تەرگەۋ ەرەكەتٸ جٷرگٸزٸلدٸ, الايدا قىلمىستىق كودەكستٸڭ 15-بابىنا سەيكەس 16 جاسقا تولماعان ادام قىلمىستىق جاۋاپكەرشٸلٸككە تارتۋعا جاتپايدى", - دەپ جاۋاپ بەردٸ جامبىل وبلىستىق پد باسپاسٶز قىزمەتٸ.
© Photo : زارداپ شەككەن بالانىڭ اناسى ۇسىندى
ولاردىڭ ايتۋىنشا, سوققىعا جىققان بالانىڭ اتا-اناسىنا قاتىستى ەكٸمشٸلٸك حاتتاما تولتىرىلىپ, 103 500 تەڭگە (30 اەك) مٶلشەرٸندە ايىپپۇل سالىندى. ال وقۋشى تاراز قالاسى پوليتسييا باسقارماسىنىڭ 2-شٸ پوليتسييا بٶلٸمٸندە پروفيلاكتيكالىق ەسەپكە الىندى.
© Photo : زارداپ شەككەن بالانىڭ اناسى ۇسىندى
