Sýret: kaz.tengrinews.kz
Taraz qalasynda №11 mektep oqýshysy qurdasynyń qolyn syndyrdy, dep habarlaidy Sputnik Qazaqstan aqparat agenttigi.
14 jastaǵy Ánýar Beketbaevtyń anasynyń aitýynsha, jasóspirimder arasyndaǵy janjal amandasýdan shyqqan.
"Ol meniń balama "nege amandaspaisyń" degen. Balam oń qolyn bergen. Eki qoldap nege amandaspaisyń, qolyń altyn ba degen, meniń balam "iá, altyn" degen. Sol sátte ol balamnyń jaǵasynan súirep, kósheniń burylysyna aparǵan da shalqasynan qulatqan. Sol qolyna sekirip kelip, bar kúshimen shyntaqpen qulaǵan. Balamnyń jan daýsy shyqqan. Sol synǵan qolyn judyryqpen ura bergen. Onymen qoimai, moinynan qylqyndyryp, betinen judyryqpen 5-6 ret urǵan. Onyń bárin meniń kishi ulym men jańaǵy oqýshynyń dosy, sosyn kórshi bala kórip turǵan", - deidi jábirlenýshiniń anasy Dinara Beketbaeva Sputnik Qazaqstan tilshisine bergen suhbatynda.
© Photo : Zardap shekken balanyń anasy usyndy
Dárigerler Ánýar Beketbaevqa aýyr jumys isteýge, sportpen shuǵyldanýǵa ómir boiyna tyiym salǵan. Óitkeni balanyń úgitilgen súiegin arnaiy meditsinalyq quraldarmen jinaǵan.
Al jergilikti politsiia basqarmasynyń ýáji mynadai:
"14 aqpanda Taraz qalasynyń politsiia basqarmasy 2-politsiia bólimine 38 jastaǵy jergilikti turǵyn habarlasty. Azamat aryzynda 27 qańtar saǵat 19:00 shamasynda 13 jasar balanyń 14 jastaǵy ulyna dene jaraqatyn salǵanyn jazǵan. Bul boiynsha Qylmystyq kodekstiń "Densaýlyqqa qasaqana aýyrlyǵy ortasha ziian keltirý" baby boiynsha sotqa deiingi tergeý bastaldy. Barlyq qajetti tergeý áreketi júrgizildi, alaida Qylmystyq kodekstiń 15-babyna sáikes 16 jasqa tolmaǵan adam qylmystyq jaýapkershilikke tartýǵa jatpaidy", - dep jaýap berdi Jambyl oblystyq PD baspasóz qyzmeti.
© Photo : Zardap shekken balanyń anasy usyndy
Olardyń aitýynsha, soqqyǵa jyqqan balanyń ata-anasyna qatysty ákimshilik hattama toltyrylyp, 103 500 teńge (30 AEK) mólsherinde aiyppul salyndy. Al oqýshy Taraz qalasy politsiia basqarmasynyń 2-shi politsiia bóliminde profilaktikalyq esepke alyndy.
© Photo : Zardap shekken balanyń anasy usyndy
