ۇلتتىق ۇلان ساربازدارى وبلىستىق پسيحيكالىق اۋرۋحانا اۋماعىنداعى مەيٸتحانا اۋماعىن قورشاپ تۇر. تاراز, 27 تامىز 2021 جىل.
جامبىل وبلىسىنداعى ەسكەري قويمادا بولعان جارىلىس قۇرباندارىن تۋىستارى جۇما, 27 تامىز كٷنٸ تٷستەن كەيٸن تارازداعى وبلىستىق پسيحيكالىق اۋرۋحانا اۋماعىنداعى مەيٸتحانادان بٸرتٸندەپ ەكەتە باستادى. مەيٸتحانا اۋماعىن ۇلتتىق ۇلان ساربازدارى قورشاپ تۇر, دەپ حابارلايدى ازاتتىق راديوسىنىڭ تٸلشٸسٸ.
ەزٸرگە ناقتى قانشا ادامنىڭ مەيٸتٸ تۋىستارىنا بەرٸلگەنٸ بەلگٸسٸز. بٸراق مەكەمەنٸڭ سىرتىندا تۇرعان ادامدار مەيٸتحانادان مارقۇمداردى كەزەكپەن بەرٸپ جاتقانىن ايتتى. جاقىنىن جوعالتقان جاندار كٶزٸنە جاس الىپ, قايعىرىپ تۇر.
رەسمي دەرەك بويىنشا, قازا تاپقاندار تٸزٸمٸندە اتالعان ەسكەري كٷزەت قىزمەتكەرٸ ورازبەك دەلٸباەۆتىڭ تۋىستارى دا مەيٸتحاناعا كەلگەن.
"بۇل اللانىڭ باسقا سالعانى, باسقا ەشتەڭە ايتا المايمىز" دەدٸ ولار.
كەشەلٸ بەرٸ ٶرت سٶندٸرۋشٸ بولىپ ٸستەيتٸن تۋىسىن ەشبٸر اۋرۋحانادان تاپپاي, قارالى حاباردى جۇما كٷنٸ ەستٸگەن ادامدار دا مەيٸتحانا الدىندا تۇر. ولار ەلٸ جارىلىس سالدارىنان مەرت بولعان تۋىسىن تانۋعا كٸرٸپ ٷلگەرمەگەن. كەزەك كٷتٸپ تۇر. تٶتەنشە جاعداي دەپارتامەنتٸنٸڭ اتى-جٶنٸن اتاماعان قىزمەتكەرٸ سىرتتاعى بٸر توپ ادامعا كەلٸپ: "ەلدوس ساندىباەۆ پەن ارنۇر تەمٸربولاتوۆتىڭ دەنەسٸ مەيٸتحانادا" دەدٸ.
بۇل ەكٸ ادامنىڭ ەسٸمٸ رەسمي اقپاراتقا ەلٸ قوسىلعان جوق. ناقتىلانباعان دەرەك بويىنشا, بيلٸك حابارلاعان 5 ادامنان بٶلەك جارىلىس سالدارىنان قازا تاپقان تاعى 4 ادام مەيٸتحاناعا ەكەلٸنگەن.
ٶرت سٶندٸرۋشٸ ٸنٸسٸنەن ايىرىلعان تاراز تۇرعىنى (ەسٸمٸن اتامادى) "ەسكەري وق-دەرٸ جارىلعاندا قويما اۋماعىنا نەگە ٶرت سٶندٸرۋشٸلەردٸ كٸرگٸزدٸ, تەك اۋماقتى قورشاۋى كەرەك ەدٸ, سۋ تيگەن سناريادتار ودان سايىن جارىلماي ما?" دەيدٸ.
26 تامىز كٷنٸ كەشكە جامبىل وبلىسى بايزاق اۋدانىنداعى ەسكەري قويمادا ٶرت شىعىپ, وق-دەرٸ جارىلعان. كەيٸنگٸ رەسمي مەلٸمەت بويىنشا, جارىلىس سالدارىنان 9 ادام قازا تاۋىپ, ەكٸ ادام حابارسىز كەتكەن. ونداعان ادام جارالانعان. ەسكەري قويماداعى جارىلىستان بٸرنەشە كٷشتٸ دٷمپۋ بولىپ, جاقىن ماڭداعى ەلدٸمەكەندەر ەۆاكۋاتسييالانعان.
