قازاقستاندا 9 بانك تاراتىلىپ جاتىر. اتالعان بانكتٸڭ سالىمشىلارى ٶزدەرٸنە تيەسٸلٸ قاراجاتىن 3 شٸلدەگە دەيٸن الا الادى. بۇل تۋرالى قازاقپارات قازاقستاننىڭ دەپوزيتتەرگە كەپٸلدٸك بەرۋ قورىنا سٸلتەمە جاساپ حابارلايدى.
تاراتىلىپ جاتقان بانكتەردٸڭ سالىمشىلارىنا كەپٸلدٸك بەرٸلگەن ٶتەم سوماسىنىڭ 98%-دان استامى تٶلەنگەن. بۇل شامامەن 113,1 ملرد تەڭگەنٸ قۇرايدى.
قازاقستاننىڭ دەپوزيتتەرگە كەپٸلدٸك بەرۋ قورى كەپٸلدٸك بەرٸلگەن ٶتەمدٸ تٶلەۋ جەنە تالاپ ەتٸلمەگەن ٶتەم سومالارىن بٸرىڭعاي جيناقتاۋشى زەينەتاقى قورىنا اۋدارۋ تەرتٸبٸن تٷسٸندٸردٸ.
«تاراتىلاتىن سەگٸز بانكتٸڭ سالىمشىلارى ٶزدەرٸنە تيەسٸلٸ ٶتەم اقشالاردى سوڭعى كٷنٸن قوسا العاندا 2022 جىلدىڭ 1 مامىرىنا دەيٸن الا الادى. بۇل «ۆاليۋت-ترانزيت بانك» اق, «قازينۆەستبانك» اق, «Delta Bank» اق, «ەكسيمبانك قازاقستان» اق, «Qazaq Banki» اق, «استانا بانكٸ» اق, «Tengri Bank» اق جەنە «AsiaCredit Bank (ازيياكرەديت بانك)» اق سالىمشىلارى. «Capital Bank Kazakhstan» اق ليتسەنزيياسىنان كەيٸنٸرەك ايىرىلعاندىقتان, ونىڭ سالىمشىلارىنىڭ كەپٸلدٸك بەرٸلگەن ٶتەمدٸ سوڭعى كٷنٸن قوسا العاندا بيىلعى جىلدىڭ 3 شٸلدەسٸنە دەيٸن الۋعا مٷمكٸندٸكتەرٸ بار», - دەلٸنگەن حابارلامادا.
ٶتەم الۋعا ٶتٸنٸشتٸ دەستٷرلٸ تەسٸلمەن دە تٶلەمدەردٸڭ ەلەكتروندىق پورتالى (تەپ) ارقىلى ونلاين تٷرٸندە دە بەرۋگە بولادى.
تٶلەم مەرزٸمٸ اياقتالعان سوڭ, تالاپ ەتٸلمەگەن ٶتەم سومالارى سالىمشىلاردىڭ بجزق-دا اشىلعان, ەرٸكتٸ زەينەتاقى جارنالارىن ەسەپكە الۋعا ارنالعان جەكە زەينەتاقى شوتتارىنا اۋدارىلادى. تاراتىلاتىن سەگٸز بانكتٸڭ كليەنتتەرٸ ٶتەم اقشالارىنىڭ بجزق-عا اۋدارىلۋىن اعىمداعى جىلدىڭ 31 مامىرىنا دەيٸن , ال «Capital Bank Kazakhstan» اق سالىمشىلارى 2 تامىزعا دەيٸن كٷتە الادى.
ال تٶلەم مەرزٸمٸن دەلەلدٸ سەبەپتەرمەن ٶتكٸزٸپ العان سالىمشى جازباشا ٶتٸنٸشپەن قورعا تٸكەلەي جٷگٸنە الادى.
