فوتو: penzavzglyad.ru
پاۆلودار تۇرعىنى تانىسىن ٶلتٸرگەنٸ ٷشٸن 10 جىلعا باس بوستاندىعىنان ايىرىلدى, – دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
پاۆلودار وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى القابيلەردٸڭ قاتىسۋىمەن 31 جاستاعى كٷدٸكتٸگە 10 جىل مەرزٸمگە باس بوستاندىعىنان ايىرۋ جازاسىن تاعايىندادى.
"2 قاڭتاردا پاۆلودار قالاسىنىڭ وڭتٷستٸك پوليتسييا بٶلٸمٸنٸڭ كەزەكشٸ بٶلٸمٸنە جەرگٸلٸكتٸ ازامات ٶز ەركٸمەن كەلدٸ. ەر ادام 2022 جىلدىڭ قىركٷيەك ايىنىڭ ورتاسىندا ٶزٸنٸڭ 59 جاستاعى تانىسىن ٶلتٸرگەنٸن ايتتى. اتالعان ازامات سول كٷنٸ تۇرعىلىقتى جەرٸندە الكوگولدٸك ٸشٸمدٸكتەر ٸشۋ بارىسىندا, تانىسى ەكەۋٸنٸڭ اراسىنداعى جانجال كەزٸندە ونى تۇنشىقتىرىپ ٶلتٸرگەن. مەيٸت ٶزٸ تۇرعان ٷيدٸڭ اۋلاسىنا كٶمٸلگەن, – دەيدٸ پاۆلودار وبلىسىنىڭ پوليتسييا دەپارتامەنتٸ.
تەرگەۋشٸلەر بۇل فاكتٸگە قاتىستى قازاقستان رەسپۋبليكاسى قك-نٸڭ 99-بابى 1-بٶلٸگٸ (ادام ٶلتٸرۋ) بويىنشا سوتقا دەيٸنگٸ تەرگەۋ جٷرگٸزدٸ. قاجەتتٸ تەرگەۋ شارالارىن ٶتكٸزگەننەن كەيٸن قىلمىستىق ٸس قىلمىستىق ٸستەر بويىنشا سوتقا مەنٸ بويىنشا قاراۋ ٷشٸن جٸبەرٸلدٸ.
