رەسەيلٸك تەاتر اكتەرٸ ۆلاديمير ۋستينوۆ 20 قاراشادا ۇزاققا سوزىلعان سىرقاتتان كەيٸن 84 جاسىندا قايتىس بولدى. قارالى حاباردى ريازان جاس كٶرەرمەندەر تەاترى تاراتتى, دەپ حابارلايدى ult.kz.
ۋستينوۆ ساحناداعى ەڭبەك جولىن پەرم تەاترىندا باستادى. 1974 جىلى ريازان جاس كٶرەرمەندەر تەاترىنىڭ ترۋپپاسىنا قوسىلىپ, وسى ساحنادا جارتى عاسىردان استام ٶنەر كٶرسەتتٸ. بالالارعا ارنالعان ەرتەگٸلەردەن باستاپ كلاسسيكالىق قويىلىمدارعا دەيٸن 80-نەن استام رٶل سومداعان اكتەر كومەدييادا دا, تراگەدييادا دا وينادى.
ەرٸپتەستەرٸنٸڭ ايتۋىنشا, ۋستينوۆ قويىلىم مەن دايىندىققا ەرتەرەك كەلٸپ, تەاتر ۇجىمىمەن ەڭگٸمەلەسكەندٸ ۇناتاتىن. ولار اكتەردٸڭ ەرٸپتەستەرٸنە ۋاقىت بٶلٸپ, قاجەت كەزدە قولداۋ كٶرسەتكەنٸن ەسكە الدى.
ۆلاديمير ۋستينوۆپەن قوشتاسۋ رەسٸمٸ 23 قاراشادا جەرگٸلٸكتٸ ۋاقىت بويىنشا ساعات 11:00-دە ريازان جاس كٶرەرمەندەر تەاترىندا ٶتەدٸ.