قازاقستاندىق تانىمال ەنشٸ جەنە ەرتٸس سيۆي ماحمۋدي جول اپاتىنا تٷستٸ, دەپ حابارلايدى Sputnik Kazakhstan اگەنتتٸگٸ.
وقيعا ٶتكەن تٷنٸ الماتى قالاسىندا بولعان. ەكٸ كٶلٸكتٸڭ سوقتىعىسۋىنان ەنشٸنٸڭ قولدارى سىنىپ, باس جاراقاتىن العان.
جول اپاتى ەل-فارابي داڭعىلىنىڭ جوعارى بەتٸندەگٸ رەميزوۆكا كٶشەسٸندە بولعان.
Toyota كٶلٸگٸ رەميزوۆكا كٶشەسٸنٸڭ بويىندا وڭتٷستٸك باعىتقا قاراي كەتٸپ بارا جاتقان. الايدا بۇرىلىس كەزٸندە جٷرگٸزۋشٸ كٶلٸك تٸزگٸنٸنە يە بولا الماي, جولدىڭ قارسى باعىتىنا شىعىپ كەتكەن. سالدارىنان Porsche Panamera كٶلٸگٸمەن سوقتىعىسىپتى. سوققىنىڭ اۋىر بولعان سونشالىق كٶلٸكتەر بٸرنەشە مەترگە ۇشىپ كەتكەن.
جول اپاتىنان Porsche Panamera جٷرگٸزۋشٸسٸ مەن جولاۋشىسى زارداپ شەكتٸ. كەيٸن ول كٶلٸكتە تانىمال قازاقستاندىق ەنشٸ سيۆي ماحمۋديدٸڭ بولعانى انىقتالدى. ەرتٸستٸڭ ەكٸ قولى سىنىپ, باس جاراقاتىن العان. ەنشٸ وتىرعان كٶلٸك جٷرگٸزۋشٸسٸنٸڭ دە قولى سىنعان. ەكەۋٸ اۋرۋحاناعا جەتكٸزٸلدٸ.
جول اپاتىنىڭ كۋەگەرلەرٸ Toyota-نىڭ يەسٸ ماس بولعانىن ايتادى. الايدا وقيعانىڭ مەن-جايىن ساراپتامالىق زەرتتەۋ قورىتىندىسى انىقتاماق. تٸركەلگەن فاكت بويىنشا سوتقا دەيٸنگٸ تەكسەرۋ باستالدى.
سيۆي ماحمۋدي – تانىمال قازاقستاندىق ەنشٸ, ەرتٸس ەرٸ پروديۋسەر. ول "سيۆي, يلي پرەۆراتنوست سۋدبى" (2008) جەنە "سلەپايا ليۋبوۆ" (2017) فيلمدەرٸنە تٷسكەن.
